Feb 12, 2018

பத்தாவது வீட்டுக்காரரும் செவ்வரளிப்பூச்செடியும்,,,

பெய்து முடித்திருந்த மழையின் ஈரம் இன்னும் காயவில்லை.

தரை முழுக்க வுமாய் படர்ந்து பரவி பாவி மண்ணுக்குள்ளாய் ஈர்ந்து மரத்த டியிலும் தெரு முழுக்கவுமாய் ஆங்காங்கே பாவி நின்ற செடிகளின் ஓரமா யும் தாங்கி அடை கொண்டு நிற்பதாய் ஆகிப்போகிறது,

அதிலும் அந்த செவ்வரளி பூச்செடியின் அடியில் போய் தங்கவும்பூத்துகாத்து நிரைந்து நிற்கிற அதை நோக்கி ஓடுவது என்றால் பெய்கிற மழைக்கும் பெய்து முடித்ததற்கும் மிக மிக கொண்டாட்டமும் உச்சிக் குளிர்வும் போலும்.

அந்த உச்சிக்குளிர்வு அங்கு வந்ததுமாய் செடியின் அடியை ஆராதித்து அதன் அழகைஅண்ணாந்து பார்த்து உச்சி மோந்து மகிழ்ந்துவிட்டு சிறிது நேரம் .தங்கி யும்உரைகொண்டும்உரையாடியும்நலம்விசாரித்துவிட்டுமாய்வேறொரு உரு கொண்டுமாய் காட்சிப்பட்டு விட்டு மறைந்து போகிறது மண் ணுக் குள்ளாக,

அதுவும் அந்த செவ்வரளிப்பூ பூத்து காத்து நிற்கிற செடியை நோக்கி ஓடுவது என்றால் பெய்கிற மழைக்கும் பெய்து முடித்ததற்கும் மிக மிக கொண்டாட்ட மும் உச்சிக் குளிர்வும் போலும்.

காரணம் காரியம் இல்லாமல் எதுவும் பெரிதாக இருந்திருக்கவில்லை உச்சிக் குளிர்விற்கும் சென்றடைவிற்குமான போக்கிற்கும்காரணம் தெருவில் இருந்த பள்ளமும் அச்செடி முளைத்துக்காணப்பட்டஇடத்தில் நோக்கியதாய் இருந்த சரிவுமே எனச் சொல்லப்படுகிறது.

அச்சரிவு இருந்த இடத்திலே முளைகொண்டு காட்சிப்பட்ட செடி யாருக்கும் சொந்தமில்லை/

தெரு ஓரமாய் தன்னால் முளை கொண்டு நின்ற செடி என்பதால் அது தெரு வுக்கே சொந்தம் என்கிற பொதுவுடமை/

தெருவிலிருக்கிற பத்து வீடுகளில் ஆளுக்கு ஒரு வீடு என முறை வைத்து தண்ணீர் ஊற்றினார்கள்,

நல்ல தண்ணீரா உப்புத்தண்ணீரா என்பதெல்லாம் வெறும் வெட்டிப்பேச்சு, ஊத்துகிறார்களே தண்ணிர் இந்த தண்ணீர் பஞ்ச நேரத்திலும் கூட என்பது பத்தாவது வீட்டுகாரரின் வாதம்,

“குடிக்க, குளிக்க,சமையல் பண்ண இன்னும் மத்த மத்ததுக்கே தண்ணி காண மாட்டேங்குது, இதுல செடிக்கு வேற தண்ணின்னா எங்க போறது சார் எங்க போறது சொல்லுங்க”என்கிறார்,

அவனை இந்தத்தெருவிலிருக்கிற யாருக்கும் பிடிப்பதில்லை. காரணம் யாத ர் த்தம் பேசுகிறவர் என்பதினால்,

அவர் சொல்லுவார் ”என்னடா இதுன்னா இதுதானா இதுக்குப்போயி எதுக்கு அங்க இங்க போயிக்கிட்டு காச கரியாக்கிக்கிட்டு திரியிறீங்க,” என்கிற அவரின் பேச்சில் ஒரு, எள்ளலும் துள்ளலும் இருக்கும்,

அந்த எள்ளலிலும் துள்ளலிலும் யார் மனதையும் புண்படுத்தாத,எல்லை மீறாத பேச்சும் கரிசனையும் அன்பும் வாஞ்சையும் கண்டிப்பாக இருக்கும்.

ஆனால் தெருவில் இருக்கிற பத்து வீட்டில் யாருக்கும் எதுவும் என்றால் முத லாவதாக போய் நிற்பார்,

”என்ன இது ஏன் எனக்கு சொல்லல,,,,”? என உரிமையுடன் சம்பந்தப்பட்ட வீட்டுக்காரர்களுடன் சண்டைக்கு நிற்பார்,

ஆஸ்பத்திரியா,போலீஸ்ஸ்டேசனா,இன்னும்பிறபிற மாதிரியான பிரச்சனை யா , தனது சொந்த வேலைகளை விட்டு விட்டுக்கூட போய் நிற்பார்.

“என்ன ஏதாவதுஒண்ணுன்னா இப்பிடி அழுத்துக்கிட்டு நின்னா எப்பிடி,,,,, வீடுக ள்ல ஒண்ணு கண்ண கசக்கீட்டு நிக்கிறீங்க,இல்லைன்னா பல்ல கடிக்கிறீங்க, இதுதா நடக்குது முனுக்குன்றதுங்குள்ள,

”இப்பஎன்னஒங்க வீட்டுக்காரரு ஒடம்புக்கு சரியில்ல,அவ்வளவுதான அதுக் குப் போயி நீங்களா ஒரு முடிவு பண்ணீட்டு அழுதுக்கிட்டு நின்னா எப்பிடி,,,. அதெல்லாம்நாமகொண்டு போயி காட்ற டாக்டர்க பண்ண வேண்டிய வேலை. அனாவசிய கவலை அர்த்தமில்லாத கவலைகள உண்டு பண்ணீரும் பாத்துக் கங்க ஆமாம்,,,”என அவர் வருத்தப்பட்டு கொண்ட நாட்களில் எட்டாவது வீட்டு முனியக்காவின் வீட்டுக்காரருக்கு முடியாமல் போய்விட்டது,

இரவு படுக்கைக்குப் போனவர் மறுநாள் ஒரு பக்கம் மூஞ்சி தொங்க எழுந்தி ருந்திருக்கிறார்,விஷயத்தை சொல்லாமல் விஷயத்தின் வீர்யம் தெரியாமால் ஒரே களேபரம் பண்ணிக் கொண்டிருந்த அம்மாவின் தொந்தரவு தாங்க மாட் டாமல் முனியம்மக்காவின் மகள் பத்தாவது வீட்டுக்காரனின் வீட்டுக்கு வந்து விட்டாள்.

உடனே அவளது மனைவி அவளை பிடித்துக்கொண்டாள் பிடி பிடி என, “ஆமாடி ஒங்களுக்கெல்லாம் ஏதாவது ஒரு உதவி உபகாரம் தேவைன்னா அவர கூப்புடுவீங்க,ஆனா அவரு சொல்லுறது மட்டும் எட்டிக்காயா கசக்கும் ஒங்களுக்கு இல்ல, வா இப்பிடி உக்காரு இப்பத்தான் டீப்போட்டேன் சாப்புடு, அந்த மனுசன் இப்பத்தான் சலூனுக்கு போயிருக்காரு,கொஞ்ச நேரத்துல வந்துருவாரு ,வந்ததும் நானே கூப்புட்டுக்கிட்டு வர்றேன்,அவரு தனியா யார் வீட்டுக்கும் வர மாட்டாரு,ஒண்ணு ஏங் தொணை வேணும் இல்ல பெரிய மகள கூப்புட்டுக்கிட்டு வருவாரு,ஊரெல்லாம் சுத்தி வர்ற மனுசனுக்கு பக்க த்து வீட்டுக்கு போறதுக்குஏங் தொணை வேண்டியதிருக்கு,பாத்துக்க,,,,” என்ற அவளது பேச்சை கேட்டுவிட்டும் அவள் கொடுத்த டீயை குடித்து விட்டும் சலூன் நோக்கிப்போனவள் அவனிடம் விஷயத்தை சொல்லிவிட்டு வந்து விட்டாள்,

சொன்ன விஷயத்தை விட அவள் போன வேகமும் சொன்ன விதமுமே அவனை கலங்கச் செய்து விட்டதாக,,,,,,என்ன கலங்கினாலும் என்ன செய்ய ,பாதி முடி வெட்டிக் கொண்டிருக்கும் போது எழுந்து போய் விட முடியாது,

அப்பா என்ன செய்கிறார் எனக்கேட்ட போது பழுக்கையிலிருந்து எழுந்து உட்கார்ந்திருக்கிறார் எனவும் முகம் கழுவப் போனவரை தடுத்து ”உக்காருங்க பேசாம டாக்டர் கிட்ட போயிட்டு வந்துட்டு மத்ததெல்லாம் செஞ்சிக்கிறலாம்,,” என்கிற மனைவியின் சப்தத்திற்கு கட்டுப்பட்டு அப்படியே உட்கார்ந்து விட்ட தாக சலூனுக்கு போயிருந்தவள்(மகள்) சொன்னாள்.

சரி வந்து விடுகிறேன் இதோ என சலூன்காரரிடம் கொஞ்சம் விரைவு காட் டச் சொன்னவராய் சலூனிலிருந்து வந்தார்,

சலூனுக்கு போய் விட்டு டீக் கடையில் டீயை சாப்பிட்டு விட்டு வரலாம் என்பதுதான் அவர் சலூனுக்கு போகும் போது எடுத்த முடிவாய் இருந்தது. ஆனால் இப்பொழுது முடியாது போலிருக்கிறது,

டீக்கடைக்காரர்வருத்தப்படுவார்,அனாவசியமாகஅவரதுகடைவழியாகத்தான் போனார் சலூனுக்கு.போகும் போதே சொல்லிவிட்டுத்தான் போனார்.

அதற்கு அர்த்தம் நான் வந்து விட்டேன்,கொஞ்சம் பேசலாம் டீயும் வடையு மாக என,,,/

அட பரவாயில்லையே டீக்குடிக்க வருகிற இடத்தில் இவ்வளவு நல்லதாக பேசவும் வருகிற கடை மீது அக்கறை எடுத்துக் கொள்ளவும் இப்படி ஒரு ஆள் இருக்கிறாரே என கடைக்காரருக்கு ஒரு பிரியம் வர கடைக்காரர் அவர் அந்தப்பக்கம் போனாலே சார் வாங்க ஒங்களுக்காக டீ எடுத்து வச்சிருக்கேன் எனச் சொல்லி விடுவார்.

அவரும் போகிற போக்கில் தலையை ஆட்டி விட்டு சென்று விடுவதுண்டு, அப்படியான சமயங்களில் அவரால் வர முடியும்,அல்லது வர முடியாமல் போய் விடமுடியும்,ஆனால் இதையெல்லாம் மீறி சலூனுக்குப் போகிற தினங்களில் கண்டிப்பாக டீக்குடிக்க போய் விடுவதுண்டு.

டீ என்றால் டீ மட்டுமாதானா அதோடு சேர்ந்த அவரது பேச்சு டீக்கடைக்கா ரரை மிகவும் கவர்ந்து விடுவதுண்டுதான்,

இதுதான் என்று அடையாளப்படுத்தி இருக்காது அவர்களது பேச்சு,பேசுவார்கள் காற்று வாக்கில், வெயில் வாக்கில் மழை வாக்கில் என,,,/

ஒரு விடுமுறை நாளின் மதியத்தில் பேசிக்கொண்டிடிருந்த பொழுது டீக் கடைக்காரர் சொன்னது அவர் மனம் தைத்து விட அவர் சொன்ன ஆலோச னையில் இன்று கடை நன்றாக நடப்பதாகச் சொன்னார்,

முக்கூட்டிகட்டியிருக்கிற பறவையின் கூட்டைப்போலக் கூரை தாங்கியிருந்த கடையின் ஓரமாய் வெந்து கொண்டிருந்த வடையும் வடை போட்டுக் கொண் டிருந்த கிழவனாரும் டீ ஆற்றிக்கொண்டிருந்த டீ மாஸ்டரும் இவரது உறவி னர்கள் என்று சொன்னார்,

”வடை போடுறவருக்கு தினம் இவ்வளவு,டீ மாஸ்டருக்கு தினம் இவ்வளவு கடையில் நிற்கிற எனக்கு தினம் இவ்வளவு கரண்ட் பில் யெட வாடகை எல் லாத்துக்கும் போக மிச்சமுன்னு ஒண்ணும் இல்ல,இதுல டீ மாஸ்டரையோ வடை மாஸ்டரையோ யாரையாவது ஒருத்தர நிறுத்தீரலாமுன்னு பாத்தா யார நிறுத்துனாலும் யேவாரம் படுத்துரும்,

“டீ மாஸ்டர கேட்டு வந்து டீ சாப்புட்டு போறவங்களும் வடை போடுறவரு கைப்பக்குவத்துக்காகஇங்கவடை வாங்க வர்றவுங்களும் நிறைய இருக்காங்க, இதுல நான் யாரை நிறுத்துனாலும் ஏதாவது ஒண்ணு பாதிக்கும் அப்புறம் கடை நடத்தி என்ன பிரயோஜனம் சொல்லுங்க,,,” எனடீக்கடைக்கார் சொன்ன தும்,,,,வாஸ்தவம்தான் நீசொல்றதும்,இல்லைங்கல,,,பாதிப்புன்னு ஒண்ணு வந் தா அதுக்கான நிவாரணமுன்னு ஒண்ணு இருக்குது.அது என்னன்னு நம்ம தான் தேடி கண்டு பிடிக்கணும் தெரியுதா, அதுக்காக இப்பிடி தலையில கை வச்சிட்டு உக்காந்துட்டா சரியாப் போச்சா,,,,,,,ரெண்டு பேர்ல யாரையும் நீ வேலைய விட்டு நிறுத்த வேணாம்.கொஞ்சம் கடைய விட்டு வெளியில போ ,மில்லு ஆபீஸீ இப்பிடி ஏதாவது ஒண்ணுல போயி பாரு,மொத்தமா ஏதாவது ஒரு யெடத்துக்கு டீ வடைன்னு தேவைப்படும்,அங்க கொண்டு போயி ஓங் யேவாரத்த விஸ்தீரணப்படுத்து, சரியாகப் போகுமில்ல,அதவிட்டு பாவம் அவுங்களப்போயி ஏன் வேலைய விட்டு நிறுத்தணுமுன்னு சொல்லிக்கிட்டு இருக்க,,,,,,”எனச்சொன்ன சிறிது நாளில் அவன் யேவாரத்திற்கு பிள்ளையார் சுழியிட்டு விட்டேன்,ஒரு மில்லில் எனச் சொன்னான்.

மொத்தமாக அங்கு காலையும் மாலையுமாக கணிசமான எண்ணிக்கையில் டீயும் வடையும் விற்பதாகவும் வேலைக்காரர்களது வாரச்சம்பளத்தில் கொடு த்து விடுவார்கள் எனவும் சொன்னான்.

அன்றிலிருந்து இன்றுவரை தன் வியாபாரம் கூட வழி சொன்னவர் என அவர் மீது டீக்கடைக்காரனுக்கு எப்பொழுது ஒரு தனி மரியாதை உண்டு.

ஆனால் அவர் எப்பொழுதும் போல் எந்த எதிர்பார்ப்புமின்றி போய் வருகிறார்,

ஆனால் இன்று டீயும் டீக்கடை போவதும் கட் ஆகிப் போகிறது.

வீட்டிற்கு போய் குளித்து விட்டு எட்டாவது வீட்டுக்காரரின் வீட்டுக்குப்போன போது சலூன் கடைக்காரர் சொன்னது போல் அவனுக்கு முகப்பக்கவாதம் வந்திருந்தது,

இடது பக்க முகம் தொங்கிப்போய் இருந்தது. ஒரு பக்கமாய் வாயும் மூக்கும் கண்ணும் காதும் ஒத்துழைக்கவில்லை அவனது செய்கைக்கு.ஆனால் எப்பொ ழுதும் போல் எல்லா வேலைகளையும் செய்ய முடிந்தது அவனால்.அவனது மனைவி சொன்னது போல் படுக்கையே கதி என இல்லாமல் எழுந்து முகம் கழுவி குளித்து ரெடியாகி இருந்தான்,

“சார்டோண்ட் வொரி,நம்ம ஜீ ஹெச் டாக்டர்கிட்ட கேப்போம்,அவருதான் நம்ம ஏரியாவுக்கே கடவுள் மாதிரி,அவரு இப்ப ஜி ஹெச்சுல ஓ பீ பாத்துக்கிட்டு இருப்பாரு,அவரு கிட்ட போவம்,அவரு கரெக்டா சொல்லீருவாரு,இங்க போக லாம்,இந்தடாக்டர்பாக்கலாமுன்னு,அவரு சொல்றது ஓரளவுக்கு கரெட்க்டா இருக்கும்.அந்த கரெக்ட கைபிடிச்சிக்கிட்டே போயிருவம்,,” என்ற பத்தாவது வீட்டுக்காரைஏறிட்ட எட்டாவது வீட்டுக்காரனின் மனைவி அவள் ஏற்படுத்திய களேபரம் பொய்யாகிப் போன கவலையில் கம்மென ஆகிப் போனாள்.

அப்பொழுதும் பத்தாவது வீட்டுக்காரர் அதையேதான் சொல்லிவிட்டு வந்தார், எட்டாவது வீட்டுக்காரரின் மனைவியிடம்.”ரொம்ப பல்லக்கடிக்காதீங்க ,இல்ல ரொம்பவும் கண்ண கசக்காதீங்க,…”என ,

”சரி அவுங்களுக்கும்மத்தஎல்லாருக்கும் இதுபோல சொல்றதெல்லாம் சரிதான், நம்ம வீட்டு நெலமையும் கொஞ்சம் கவனிங்க,,,,”என்றாள் அவரது மனைவி.

இது அவருக்கு பழக்கமான குரல்தான்,இன்னும் சொல்லப் போனால் அவர் பெரிதாக கவனத்தில் எடுத்துக்கொள்ளாத குரலும் கூட/

“ஆமாம் நீங்கதான் அவுங்க வேணும் ,நாலு பேரு இருந்தாத்தான் நமக்கு நமக்கு நாளைப்பின்ன உதவுமுன்னு சொல்றீங்க,நம்ம கைய தரையில கைய ஊனும் போது இன்னொரு கையையும் சேத்து வச்சிக்கிறனும்.அப்பத்தான் பலமா இருக்கும் ஆமா பாத்துக்கன்னு சொல்றீங்க,.சும்மா நம்ம கைய நம்பித் தான் நம்மன்னு சொல்லிக்கிட்டு இருக்க முடியாது.நம்ம கை வலிக்கும் போது இல்ல பலம் யெழந்து போகும் போது இன்னொரு கையையும் சேத் துக்கத்தான வேணும்,கை சேரும் போது கை மட்டுமா சேருது,மனசும்தான சேருது,அத ஏன் நம்ம வம்படியா ஏங் தடுக்கணும் இல்ல அணை போடணும் ன்னு சொல்றீங்க,,,,,ஆனா அவுங்க ரெண்டு மாசத்துக்கு முன்னாடி அவரு மக பெரிய மனிசி ஆன போது கூட நம்மள கூப்புடல, கேட்டதுக்கு மறந்து போச் சின்னு சமாளிக்கிறாங்க,சுத்தி இருக்குற அத்தன வீட்டுக்காரவுங்களையும் கூப்புட தெரிஞ்ச அவுங்களுக்கு நம்ம வீடு மட்டும் மறந்து போச்சின்னு சமா ளிக்கிறாங்க,அது எப்பிடிங்க சாத்தியம் ,எப்பிடி நெனைச்சிப் பாத்தாலும் அது சாத்தியம் இல்லைன்னு தோணுது.

“அவுங்க அப்பிடி நம்மள ஒதுக்கும் போது நாமளும் ஒதுங்கி போயிக்கிற வேண்டியதுதான பேசாம ,,,,,இவ்வளவு எதுக்கு தெருவுல இருக்குற எல்லா ரும் வேணாம் வேணாம்ன்னு சொன்னப்ப நீங்கதான் தெருவுக்கு நெத்தியில பொட்டு வச்சமாதிரி இருக்கட்டுமுன்னு சொல்லி இந்த செவ்வரளிச்செடிய நட்டு வச்சீங்க,அதுக்கு நீங்களே தான் தண்ணியும் கொண்டு போயி ஊத்து னீங்க,அதப் பாத்து மத்த வீட்டுக்காரங்களும் தண்ணி ஊத்த ஆரம்பிச்சாங்க ன்னு வையிங்காளேன், இப்ப அது மரமா வளந்து நிக்குது, இருந்தாலும் அந்த மரத்துக்கு குடுக்குற மரியாதைய ஒங்களுக்கு குடுக்குறாங்களான்னு பாத்தா அது இல்ல,அதுதான் நான் சொல்றேன்.நம்ம மரியாதைய நம்ம காப்பாத்திக் கிற வேண்டியதுதா,,,,”,என மனைவி சொன்ன சொல் தாங்கி எட்டாவது வீட்டுக்காரரை ஆஸ்பத்திரிக்கு கூட்டிக்கொண்டு போய் வரும் போது அந்த செவ்வரளிச்செடியைப் பார்க்கிறான்,

பள்ளத்திலும்சரிவிலுமாய்இருந்த செடி தன்னை நோக்கி ஓடி வந்த தண்ணீரை தன்னகத்தே இழுத்துக் கொண்டும் உறைய வைத்துக்கொண்டுமாய் பார்த்துக் கொண்டது.

Jan 29, 2018

டிக்,,,டிக்,,,டிக்காய்,,,,,,

ஓடிக் கொண்டிருந்த கடிகாரம் நின்று போகிறது தனது சுற்று வட்டப்பாதையி லேயே,,/

சின்னதும் பெரியதுமான முட்கள் சளைக்காமல் ஓடிக்கொண்டிருக்கிற விநாடி முள்ளையும்துணைக்குச்சேர்த்துக்கொண்டுநின்றுபோனகடிகாரத்தினுள்அடை கொண்டதாய்,/

ஒன்றும் மூன்றும் மட்டுமல்ல,சொல்லுக்கு உறுதியான நான்கும் இரண்டு மான எண்கள் வெள்ளை நிறம் காட்டிய டயலில் பழுப்பு நிறம் காட்டி அழுத்த மாய் பதிக்கப்பட்டு காட்சிப்பட்டதாய்/

ஆள் உயரத்திற்கும் மேலாய் இருந்த சுவரில் எட்டிப்பிடிக்க முடியாவண்ணம் உயரம் காட்டி வீற்றிருந்த கடிகாரம் பார்க்க டிசைனாகவும் அல்ட்ரா மார்ட னாகவுமாய்,,,/

காசுக்கடை பஜாரில் நகைக்கடைக்கு பக்கத்தில் இருக்கிற வடக்கு புறம் வாசல் வைத்த கடையில் வாங்கியது,

அது கொஞ்ச வித்தியாசம் காட்டி வீற்றிருந்த கடை,கடிகாரக்கடையில் கடிகா ரம் மட்டும்தானே இருக்கவேண்டும்?ஆனால் கொஞ்சம் ஈவும் இரக்கமும் இருந்ததுஅவ்வப்பொழுதுகொஞ்சம்மனிதாபிமானத்தையும்துணைக்கு சேர்த்துக் கொண்டார் கடையின் முதலாளி/

இதெல்லாம் கேட்டாலும் காணக்கிடைக்காத ஒன்றாகிப் போன இந்தக் காலத்தில் உங்களிடம் மட்டும் எப்படி மேன்மை கொண்டு குடியிருக்கிறது என்பதற்கு அவர் சொல்லிச்செல்கிறபதில்கொஞ்சம் வித்தியாசம் காட்டியும் மனித மனம் கொண்டுமாய்,,./

”இதுலஎன்ன இருக்குது ன்னு இவ்வளவு ஆச்சரியப்படுறீங்க,இல்ல ஆச்சரியப் படுறது போல நான் ஒண்ணும் பெரிசா செஞ்சிறலயே,,,,,,நல்லா யோசிச்சிப் பாருங்க நம்ம அப்பா தாத்தாகாலத்துலயும் அதுக்கு முந்துனதலை முறை யிலயும் மசுசஒறவு,அனுசரன, அன்பு நட்பு,கைகோர்த்துக்குறது தோள்சாய்ச்சி க்கிறது எல்லாம் இருந்துச்சிதான, அப்பிடி இருக்கும் போது இப்ப மட்டும் அது போலான மனிதாபிமானமான பழக்கங்க பெரிசா பேசப்படுறதும் அதிசியமா பாக்கபடுறதும் ஏன்,,,,?அது என்னமோ நமக்கு சம்பந்தமில்லாத அந்நியமான விஷயம் மாதிரி பாக்குறீங்களே எதுக்குன்னு கேக்குறேன்

“,நான் ஒண்ணும் பெரிசா எதும் செஞ்சிடல சார்,ஏங் கடைக்கி வர்றவுங்க கிட்ட அனுசரணையா நடந்துக்கிறேன்.அவுங்க அந்த நேரத்துல கேக்குற உத விய என்னால செய்ய முடியிற அளவுக்கு இருந்துச்சின்னா அது ஏங் கட்டுக் குள்ள இருக்குற விஷயமுன்னா கண்டிப்பா செஞ்சி தர்றேன்,பண உதவி உட்பட,

“பண உதவின்னா ஏங்கையில இருந்து குடுக்குறது இல்ல, ஏங்கிட்டகடிகாரம் வாங்க வர்றவுங்களுக்கு கடன் தர்றேன்,இது ஏங் யேவாரத்த பெருக்க ஒதவுங் குற நம்பிக்கையிலையும் எனக்கு தெரிஞ்சவுகளாவும் நம்பிக்கையானவுங்க ளாவும் வர்றவுங்களுக்கு நான் செஞ்சி குடுக்குற ஒரு சலுகை, இல்ல ஒரு உதவின்னு கூட சொல்லலாம்,

”அப்பிடிப்பாத்த நான் செய்யிற இந்த மாதிரியான உதவியிலயும் ஒரு சுய நலமும் கலந்துருக்கு.அது தாண்டி மொகம்தெரியாம வர்றவுங்க சில பேருக்கு கூட குடுத்து விட்டுருவேன் கடிகார த்த தூக்கி,

”இவனுக்குஎன்னஒண்ணுலபோனாஇன்னொனுல எடுத்துருவான்னு சொல்லு வாங்க,ஏங்காதுபடயேகூடபேசிக்கிருவாங்க,ஆனாஅது அப்பிடியில்ல, அப்பிடி யில்லாமலும்இல்ல.பொழப்புக்காக நான்,,,ஆகணும்,அது யேவாரத்துல ஏங் தலையெழுத்துன்னு வச்சிக்கங்களேன்,

“ஆனாஅதமீறி எனக்குன்னு ஒருசில விஷயங்க இருக்கு,அதன் அடிப்படை
யில தான் நான் இயங்குறேன்னு நெனைக்குறேன்,போன ஆறு மாசத்துக்கு முன் னாடி ஏங் கடைக்கு கடிகாரம் வாங்க ஒருத்தர் வந்தாரு பாத்துக்கங்க, அவரு ஏதோ ஒரு கௌவர்மெண்ட் ஆபீஸீல வேலை பாக்குறதா சொன்ன ஞாபகம்,

“நான் பொதுவா யாரு என்ன பாக்குறவேலை எதுன்னு கடைக்கி வர்ற கஸ்ட மர்கள் கிட்ட கேக்குறது கெடையாது,.அவுங்களா சொல்லுவாங்க,சரின்னு கேட் டுக்குறது உண்டு,சில சமயம் என்ன மீறி நல்லா யாதர்த்தமா பேசுறவுங்க கிட்ட கேக்குறது உண்டு,

“இதுல பாத்தீங்கன்னா சில பேரு யாதார்த்தமா இருக்கேன்னு கள்ளத்தனமா பேசிச் சிரிப்பாங்க,பேசு பூராம் ஒரே சக்கரையா இருக்கும்,மனசு முழுக்க கள்ளம் நெறைஞ்சி இருக்கும்,அப்பிடி ஆளு ரெண்டொரு வார்த்த பேசுன ஒடனே எனக்கு அடையாளம் தெரிஞ்சி போகும்,அப்பிடியா கதைன்னு அவங்க கிட்ட அவுங்க ரூட்டுலயே பேசி அப்பிடியே அனுப்பிச்சி வச்சிருவேன்,அவுங்க கிட்டப் போயி எதுன்னாலும் நேரடியா பேசணும் பாத்துக்கண்ணு மல்லுக்கு நின்னமுன்னா நம்ம யேவாரம் போயிருமா இல்லையா,பின்ன என்ன செய்யி றது நைச்சியத்துக்கு நைச்சியமாத்தான் போக வேண்டியது இருக்கு.

“ஒரு தடவைன்னா அப்பிடித்தான் கடிகாரம் வாங்க வந்த ஒருத்தன் என்னா பண்ணீட்டான்னா வாங்குன கடிகாரத்த விடவும் அதுக்கு குடுக்கப்போற வெலைய விடவும் ரொம்ப நேரமா பேசிகிட்டு இருக்கான்,ஆள் பாத்தா சும்மா இன் பண்ணி கூலிங்கிளாஸ் போட்டு டிப் டாப்பா இருக்கான்,பேசுற பேச்செல் லாம் சம்பந்தா சம்பந்தமில்லாயும் ஒரு விஷயத்த முழுசா பேசாமலும் அத்து அத்து பேசிக்கிட்டு இருக்கான்,அதுவும் சப்தம் போட்டு பேசுறான்,

“இவன் இப்பிடி பேசுறதுனால கடைக்கி வந்த ஒண்ணு ரெண்டு கஷ்டமர்களும் நெளியிறாங்க, சில பேர்ன்னா கடைக்குள்ள வர்ற காலடி எடுத்து வச்சிட்டு அப்பிடியே போயிறாங்க,

“என்னக்குன்னா ஒரே சங்கடமா போயிருச்சி,கடைக்கி வந்த கஷ்டமர்க கிட்டமொகம்சுண்டி பேசிறக்கூடாதுன்னு நானும் கம்முன்னு அவன் பேசுறதப் பூரா கேட்டுக்கிட்டே இருந்தேன்.அவனும் பேச்ச நிறுத்துறது மாதிரி இல்ல, போறது மாதிரியும்தெரியல,

“என்ன செய்ய பின்ன,இதுக்கு மேலசரிப்பட்டு வராதுன்னு ”சார் வாங்குன கடி காரத்துக்கு பணத்தக் குடுத்துட்டு கெளம்புங்க,நானும் கடைக்கி வர்ற மத்த கஸ்டமர்கள கவனிக்கனும்ன்னு சொன்னதும் அவனுக்கு வந்த கோவத்தப் பாத்தீங்கன்னா ஏயப்பா அவ்வளவு கோவப்படுறான் சார்,நான் ஒண்ணும் சொல்லல, நீ கடைக்கி வந்து யேவாரம் வாங்கி முக்கால் மணி நேரத்துக்கு மேல ஆகிப்போச்சி,முக்கால் மணி நேரமும் வெறும் வெட்டிப் பேச்சா தேவை யில்லாம பேசீருக்க,இன்னைக்கி ஒரு நாள் நீ வந்து நீட்டி நெளிச்சி பேசிக் கிட்டு போயிருவ,நாளைக்கி ஏங்கடைக்கி வர்றதுக்கு ஆளுங்க யோசிக்கும், என்னடா இது ஒரே கச்சரா புடிச்ச கடையா இருக்கும் போல இருக்கும்ன்னு போயிரு வாங்க,நான்ஏங் பொழப்ப பாப்பேனா ,ஒங்களோட பேசிக்கிட்டு இருக்க பாப்பே னான்னு சொன்னதுக்கு அந்த ஆளு சொல்றான் சார்,கடைக்கி வந்த கஷ்டமர நீ கேவலபடுத்தீட்ட.,அவமானபடுத்தீட்டநீஇதுக்குபதில்சொல்லித்தான்ஆகணும், ஒண்ணைய போலீஸ்ல கம்ப்ளெய்ண்ட் பண்ணி ஸ்டேசனுக்கு இழுக்காம விட மாட்டேன், ஆச்சா பூச்சான்னு குதிக்கிறான்,

“அட கண்றாவியே போலீஸ் ஸ்டேசனுக்கு போற நாயி இங்க ஏண்டா இவ்வ ளவு குதி குதிக்கிறான்னு நெனைச்சிட்டு ,,,,சரி நீஎங்க வேணாலும் போயிக்க மொதல்ல ஏங்கிட்ட வாங்குன கடிகாரத்த கீழ வையிடா இவனேன்னு சொன் னா அத குடுக்க மாட்டேங்குறான்.

“அவ்வளவு பேச்சிலயும் வாங்குன கடிகாரம் அவன் கைய விட்டு யெறங்க மாட்டேங்குது,இருக்கமாபுடிச்சிக்கிட்டான்.அப்பறமாகடைப்பயந்தான்சுதாரிச்சி அவன் கையில இருந்த கடிகாரத்த பாய்ஞ்சி புடிங்கீட்டான்,

அது அவனுக்கு அவமானமா ஆகிப்போச்சாம்,ஒடனே சத்தத்த ரெண்டு மடங் கா கூட்ட ஆரம்பிச்சிட்டான்.பொறுத்துப்பொறுத்து பாத்த நான் இனிமே சும்மா இருந்தா பைத்திக்காரனாகிப் போவோம்ன்னு நெனைச்சிக்கிட்டு கடையில ஓரமா சாத்தி வச்சிருந்த உருட்டுக் கம்ப எடுத்துக்கிட்டு இங்கயிருந்து ஓடிறு ஒழுக்கமான்ன ஒடனே ஆளக்காணம் அடுத்த ரெண்டாவது நிமிஷத்துல.எங்க போனான் என்ன ஆனான்னே தெரியல,

“விசாரிச்சா அவனுக்கு வேலையே இதுதானாம்,கடை கடைக்கி வந்து இது மாதிரிபொருள்வாங்கவேண்டியது,,பேசவேண்டியது சண்டபோட வேண்டியது. கடை ஓனரு கொஞ்சம் அப்புராணி சப்புராணியா இருந்தா வாங்குன பொருளு க்கு பணமே குடுக்காம கெளம்பீற வேண்டியதுன்னு ஒரு நடப்பு வச்சிருந்து ருக்கான்னு தெரிஞ்சது.

“அட நாசமா போறவனேன்னு மனசுல நாலு நல்ல கெட்ட வார்த்தையா தேடி கண்டுபிடிச்சு வஞ்சிச்சிட்டு அத அப்பிடியே மறந்துட்டேன்,

ஆனா அன்னைக்கிகடிகாரம் வாங்க வந்தவரு அப்பிடியில்ல,பார்வையிலயும் பழக்கத்துலயும் தெரிஞ்சிச்சி, அவரு நல்ல மனுசன்னு,அவரு கடிகாரம் வாங் குனமொறையே என்னைய கவர்ந்துருச்சி,

“கடைக்குள்ள வந்த ஒடனே சொல்லீட்டாரு,இந்த வெலையில இருந்து இந்த வெலைக்குள்ள கொஞ்சம் மார்டனா இருக்குற மாதிரி ஒரு கடிகாரம் வேணு முன்னு அப்பிடி எடுக்கும் போது பத்து அம்பது கூடுனாலும் பரவாயில்ல எடுங்கன்னு,,,/

”நாந்தான் போயி எடுத்தேன் வரிசையில இருந்து,அப்பிடி எடுக்கும் போது அவருவந்துட்டாரு,சார்எல்லாத்தையும்எடுக்கவேணாம்,நான் அட்டைப்பெட்டி மேல இருக்குற படத்த வச்சே சொல்லீர்றேன், அதுகள மட்டும் எடுங்க போதும், அதுலயிருந்து செலக்ட்ப்பண்ணி எடுத்துக்கிறேன்னாரு,

“அப்பிடி எடுத்த ஒரு மாடர்னான கடிகாரத்த அட்டைப்பெட்டிக்குள்ள வச்சி கட்டீட்டு போகும் போது சொன்னாரு ,பரவாயில்ல,நான் எதிர்பாத்து வந்தத விட நல்ல மாடலா கெடைச்சிருக்கு ரொம்ப தேங்ஸீன்னு,,,,,,, சொல்லீட்டு கெளம்பும் போது இங்க பக்கத்துல அரிசிக்கடை எங்க இருக்குதுன்னு கேட்டார், கையக்காண்பிச்சேன்,ஏங் கடைக்கு ரெண்டாவதா இருக்குற கடைய,

அவரு கேட்டாரு ஒடனே அங்க எப்பிடி அரிசி எல்லாம் நல்லாயிருக்குமா, என்ன ஏதுன்னு நல்லாயிருக்கும் சார்,என்ன கடைக்காரரு கொஞ்சம் பேசு வாரு,அதமட்டும் கேக்க நமக்கு பொறுமை வேணும் சார்ன்னு சொன்னதும் அத நான் பாத்துக்கிறேன்னு போனவரு,போன கால் மணி நேரத்துல செவத் துல அடிச்ச பந்து மாதிரி திரும்பி வந்துட்டாரு,

“வாங்கீட்டேன் அரிசிய,நான் ஒரு கௌவர்மெண்ட் ஆபீசுல வேலை பாக்குற மாசச் சம்பளகாரன்,ஒரு மூடை அர்சி வேணும்,குடுத்துட்டு தவணை முறை யிலபணம்வாங்கிக்கிறலாமான்னு கேட்டேன்,ஒடனே பட்டுன்னு சரின்னுட் டாரு,அது மட்டுமில்ல,இதக்கேக்க ஏங் சார் இவ்வளவு தயங்குறீங்க,ஒங்களு க்குத்தான் என்னைய பழக்கமில்லையே தவிர எனக்கு ஒங்களப்பத்தி முழுசா தெரியும்,நீங்க வழக்கமா காய்கறி வாங்குற கடையில வந்து ஒங்ககிட்ட நானேசொல்லலாமுன்னுஅப்பநெனைக்கிறதுஉண்டு,நம்மகிட்டஅரிசிவாங்கிக் கங்கன்னு,,.சரிபடக்குன்னுஅப்பிடி சொல்றதுக்கும் யோசனையா இருந்துச்சி.

”ஏன்னா நீங்க ஏதாவது ஒரு கடையில பழக்கம் வச்சிருந்து வாங்கீட்டு இருந் துட்டு இருப்பீங்க,அதப்போயி ஒழைச்சி விட்டது மாதிரி ஆகிறக் கூடாது. அதான்பாத்தேன்.ஏன்னா பழக்கமுங்குறதுதொப்புள் கொடி உறவு மாதிரி, அத அத்துட்டு வர்ற மாதிரி பண்ணீறக் கூடாதுன்னு சொல்லீட்டு ஒடனே சரி அட்ரஸ மட்டும் குடுங்க,தூக்கி விட்டுர்றேன் மூடையன்னாரு, இல்ல நான் பக்கத்து கிராமம்,நாளைக்கி வந்து ஒரு மூடைய பிரிச்சி அம்பது அம்பது கிலோ வா ரெண்டு நாளையில வாங்கீட்டுப் போறேன்னு சொல்லீட்டு சாம்பி ளுக்கு அந்த அரிசியில ஒரு கிலோ மட்டும் வாங்கிட்டுப்போறேன்னு ஏங்கிட்ட சொல் லீட்டு அரிசி வாங்குன பைய தெறந்து காமிச்சிட்டுப் போனாரு/

“அப்பிடியும் கடைக்கி ஆள்க வரத்தான் செய்யிறாங்க,அந்த சல்லவாரிப் பைய லப் போல ஆள்க வரவும்தான் செய்யிறாங்க,என்ன செய்ய வாக்கப்பட்டாச்சி ன்னு போக வேண்டியதுதான்,என சொன்ன கடைக்காரரிடம் வாங்கி வந்த நாளிலிருந்து இன்றுவரை பெரிதாக ரிப்பேர் என எதுவும் வந்ததில்லை., அதற்கு தேவையான பேட்டரி போடுவது தவிர்த்து.

ஒனக்கும் ஆசைதானப்பா நூத்தி எழுபத்தஞ்சி ரூபாய்க்கு வாங்குன கடிகாரம் இன்னும் எத்தன வருஷம் நிக்காம ஓடணுமுன்னு நெனைக்கிற என்பான் நண்பன் முத்துசாமி.

அவன்அப்படித்தான்”விடுகழுதையஎன்னஇப்பகெட்டுப்போச்சிஅதுஓடலைன்னா என்ன பொழுதன்னைக்கும் ரிப்பேர் பாத்து ரிப்பேர் பாத்து வச்சிக்கிறாம வேற ஒண்ண புதுசா வாங்கீட்டு போக வேண்டியதுதான,இதுல என்ன பெரிசா லாஜி க் கா யோசிக்கிற” என்பான்.

“அப்பிடி இல்லடா ஒரு பொருள் பயன்பாடு இல்லாம போயிருச்சின்னா நீ சொன்ன மாதிரி தூக்கி போடுறது சரி,ஆனா அதுதான் நல்லாத்தான இருக்கு, பாப்போம் ரிப்பேர் பண்ணி பயன் படுத்த முடியுமான்னு,இல்ல முடியாதுங்குற நெலம வந்துச்சின்னா தூக்கி எறிஞ்சிருவோம்.அத விட்டுட்டு ஏன் நம்மளா முந்திக்கணும்என கேட்டால்,,,,,,,,”அப்பிடி இல்ல நண்பா ஒவ்வொரு பொரு ளு க்கும் உபயோப்படுற காலமுன்னு ஒண்ணு இருக்குல்ல,அது முடிஞ்ச ஒடனே இல்ல அது முடிஞ்சி போச்சின்னு நமக்கு தெரிய வரும் போது தூக்கி எறிஞ்சி றலாமுல்ல” என்பான்,

இல்ல நண்பா நீ சொல்றது வாஸ்தவம் போல தோணுனாலும் கூட வாஸ் தவம்இல்ல நண்பா, உபயோகப்படுத்துற காலம் முடிஞ்சி போச்சின்னு எல்லா த்தையும் தூக்கி எறிஞ்சிறமுடியாது,சிலதுகள வேணா அப்பிடி செய்யலாம், சிலதுகள நீ நெனைக்கிற மாதிரி தூக்கி எறிஞ்சிற முடியாது.எனும் போது சரிதான் அது என்பது போல ஒத்துக்கொண்டு அப்போதைக்கு நகன்று விட்டா லும் கூட அவனது குணமும் செயலும் அப்படித்தான் இருந்தது,

இருந்த போதிலும் எட்டாத ஆளுயர சுவர்களில் மாட்டப்பட்டிருந்த கடிகாரங் கள் ரிப்பேர் செய்யப்பட்டு ஓடிக்கொண்டுதான் இருக்கின்றன,,,,/

Jan 27, 2018

சொல்லிச்செல்லிய,,,,,

அவள் போன் பண்ணிய வேளை மாலை நான்கரை மணியிலிருந்து ஐந்து மணிக்குள்ளாக இருக்கலாம்.

பிரியமானவள்,மனதிற்குமட்டுமல்ல,செயலாலும்அன்பானவள்,ஆதரவானவள், நல்உள்ளம் கொண்டவள்,யார் என தராதரம் பார்க்காமல் பஞ்சாரத்துக் கோழி யாய் அரவணைப்பவள் அல்லது அரவணைக்கும் உள்ளம் கொண்டவள்.

அவளது உள்ளன்பிற்கும் பேரன்பிற்கும் எல்லையில்லை என வாதிடும் போது முத்து சொல்கிறான்,”விடுங்க நண்பா,அப்பிடியெல்லாம் இருக்காது, ஒங்க ளுக்கு அந்தப் பொண்ணு மேல ஒரு ஈர்ப்பு இருக்குது, அதுனால நீங்க இப்பிடி யெல்லாம் அந்தப் பொண்ணப் பத்திபேசுறீங்க,அத தப்பா சொல்லல, அந்தப் பொண்ணு வயசுக்கு ஒங்களுக்கு ஒரு மக இருக்குற போதும் கூட அந்த பொண்ணு மேல ஈர்ப்பு ஏற்படுறதுன்னா அந்த பொண்ணோட ஏதோ ஒரு சில நடவடிக்கைக ஒங்கள கவர்ந்திருக்கு, அது வந்து பசு மரத்து ஆணி போல மனசுல வந்து ஒட்டிக்கிருச்சி,அவ்வளவுதான்,

“ஒண்ணு ஒங்க பொண்ணு இல்ல ஒங்க மனைவி அல்லது ஒங்களுக்கு மிகவும்நெருக்கமானஅல்லதுபிடித்தமானயாராவதுஒருத்தரோட நடவடிக்கை அந்தபொண்ணோட நடவடிக்கையோட ஒத்துப் போகுதுன்னு நெனைக்கிறேன். அது ஒங்களுக்கு ரொம்ப பிடிச்சிப்போச்சி இல்லைன்னா மனம் ஒத்துப்போச்சி அதுனாலத்தான் அந்தப்பொண்ணபத்தி பேசிக்கிட்டு இருக்கீங்க,மூச்சுக்கு முன் னூறு தரம்/”என்பான் அவன்,

அவன் பேச்சையும் மறுப்பதற்கில்லை, அவன் அப்படித்தான்,எதையும் பட் டென முகத்திற்கு நேராக சொல்லிவிடக் கூடியவன்,அவன் சொல்கிற நேரு க்கு நேரான பேச்சில் அதிக கனமும் காரமும் இருக்கும்,சமயத்தில் கழுத்தில் கத்தி வைத்தது போல் கூட பேசுவான்.

”காரமும்நெடியும்கறார்த்தன்மையும்கொஞ்சம் இருக்கும். என்னடா நீயி ,நீயி என்ன பெரிய இவனா,,,,?என்ன நெனைச்சிக்கிட்டு இருக்கு ற ஓன் மனசுல, பெரிய மயிராட்டம் பேசிருக்குற வீட்ல,ஏண்டா தெரியாமத் தான் கேக்குறேன், வேலை பாத்து நாலு சம்பாதிச்சிட்டா பெரிய ஆளுன்னு நெனைப்பா ஒனக்கு, கூட இருக்குற மனுச மொகம் தயவு தாட்சயண்யமில்லாம போயிருமா ஒனக்கு,,,,,?யார்ரா அவ ஆயிரம் இருந்தாலும் ஓங் பொண்டாட்டிடா, ஓங் உசுருல பாதிடா,அவளப்போயி,,,போடா,ஒழுக்கமா இருந்தா இரு இல்லைன் னா வீட்ட விட்டு போன்னு சொன்னயாமில்லடா,நேத்திக்கு போன்ல சொல் லீட்டு ஓன்னுஅழுகுது,இத்தன வயசுக்கப்புறம் என்னடா பேச்சு அது, அர்த்த மில்லாம,புள்ளைங்கரெண்டும்ஒண்ணுபள்ளிக்கூடகடைசியும்,ஒண்ணுகாலேஜூ கடைசியுமா படிச்சிட்டு இருக்குற நேரத்துல போயி,,,,,, என்னமோ இப்பத்தான் புதுசா கல்யாணம் ஆன மாதிரிபிகுபண்ணீட்டு இருந்துக்க வீட்ல, என்னமோ அவளப்போயி பொறந்த வீட்டுக்குப்போயிரு,அங்கயே இருந்துருன்னு சொன் னயாமில்லடா ராஸ்கல்,நல்லவேளை அங்க போயி ஏதாவது அஞ்சி பவுன் பத்து பவுன் வாங்கீட்டு வரச்சொல்லாம போன போ/அது வரைக்கும் ரொம்ப சேமம்டாப்பா,,,/என தலையிலடித்துக்கொள்கிறவன்,,,,,,

”ஆமாம் நீ மட்டும் என்ன பெரிய ஒழுக்கமா என்ன,,? ஊர்ல ஓங் சித்தப்பா யெறந்தன்னைக்கி வேலைக்கி போயிட்ட,எத்தனை பேரு எத்தனை தரம் சொல்லிவிட்டும் கூட நீ வராம மதியம் ஆபீஸீ முடிச்சிட்டுதான வந்த,இங்க ஒனக்காக நீ வருவ, வருவன்னு நீர்மாலை கூட எடுக்காம காத்துக்கிட்டு இருந்தாங்க,மதியம் ரெண்டு மூணு மணிக்குள்ள எடுக்க வேண்டிய பாடி ஒன்னால ராத்திரியாகி எடுக்க வேண்டியதாப்போச்சி.நீ அன்னைக்கி வர முடியாததுக்கு ஆயிரம் காரணம் சொன்னாலும் அதெல்லாம் ஞாயமா இருந் தாலும் கூட அத ஏத்துக்குற முடியாது,ஆமாம்,

“அது போலத்தான் அவளும் பாவம் அன்னைக்கி கோயிலுக்கு போயிருக்குறா, போன யெடத்துல பழைய சினேகிதிய பாத்துருக்குறா,நட்டு வைச்ச பூச்செடி ஒண்ணு நடந்து போனா எப்பிடி இருக்கும் ,அது போல நடந்து போயிக்கிட்டு இருந்துருக்கா கோயிலுக்குள்ள இவளக் கடந்தும் இவள பாக்காமலுமா,,,,,, மூணாவது சுத்து சுத்தி முடிக்கும் போது அங்கன இருக்குற எல்லா சின்ன தெய்வங்கள் செலையையும் தொட்டு கும்புட்டுட்டு கோபுரத்த அண்ணாந்து பாத்தமானிக்கவே இருந்தவள பக்கத்துல போயி தோள் தட்டி கூப்புட்டுருக்கா, ஓன் பொண்டாட்டி.அவளும் என்னன்னு திரும்பிப் பாத்துருக்கா,பக்கத்துல பள்ளிப்பிராயத்துத்தோழி,ஆகா இது போதாதா ரெண்டு பேருக்கும்,,,?அங்கஒரு உற்சாக ஆறே கறை புரண்டு ஓடிருக்கு கொஞ்ச நேரத்துக்கு/ என்ன தடுத்தும் முடியாத கோயில் நிர்வாகம் சரி போகட்டுமுன்னு விட்டுருச் சின்னு வச்சிக்கவேன்/

“அவுங்க உற்சாக கறை புரளல்களாலகோயிலுக்கு ஏதாவது ஆகிப்போகுமோ ன்னு நிர்வாகம் பயந்திருக்கும் போல,ஆனா நெருக்கம் கொண்ட பள்ளிப் பிரா யத்து தோழிக ரெண்டு பேரும் அப்பிடியெல்லாம் ஏதும் இல்லை நீங்க பயப் புடுற அளவுக்கு,நாங்க அப்பிடியே இந்த கோயில் சாமி கோபுரம் அதோட சிற்பங்கள்ன்னு இன்னும் இன்னுமான விஷயங்களப்பத்தி பேசிட்டு அப்பிடியே போயிருவோம்,அவ்வளவுதான்,இன்னைக்கிநாஅவவீட்டுக்கு போகலாமுன்னு இருக்கேன்,இல்லை அதுவும் அவளுக்கு யெடைஞ்சல்ன்னா ரெண்டு பேரும் போற போக்குல ஹோட்டல்ல போயி ரெண்டு காய்ஞ்சிபோன இட்லிய சாப்புட்டுட்டு கொஞ்சம் சந்தோஷம்,கொஞ்சம் துக்கம், கொஞ்சம் சிரிப்பு கொஞ்சம் கண்ணீர், கொஞ்சம் குடும்பம் கொஞ்சம் புள்ளைங்க கொஞ்சம் வரவு செவுன்னு,,,,, பேசீட்டு அதுல கவனமா பரஸ்பரம் நாங்க ரெண்டு பேரும் நல்லா இருக்குறதா காட்டிக்கிட்டு கலைஞ்சிருவோம்,

“எங்க நெனைச்ச நேரம் ஒரு பொண்ணால ரோட்டுல பாத்த பிரண்ட்ஸ வீட்டு க்கு கூப்புட்டுக்கிட்டு வர முடியுது,,?,வீட்டுல ஆம்பளைங்க அவுங்க பிரண்ட் ஸீகள கூப்புட்டுக்கிட்டு வர்றது மாதிரி எங்களால முடியுதா சொல்லுங்க, இல்ல,அதுக்குமுன்னக்கூட்டியேவீட்லசொல்லணும்,இல்லைண்ணாநீ முன்ன மாதிரிஇல்ல,படிச்சிருக்கவேலைபாக்குற சம்பாதிக்கிறைங்குற திமிரு, அதான் வீட்ட மறந்துட்டு புள்ளைங்கள மறந்துட்டு இப்பிடி பிரண்டோட சுத்திக்கிட்டு அவள வீட்டுக்கு கூப்பிட்டு வந்து காபி பலகாரமுன்னு உபசரிக்கிட்டு இருந்தா குடும்ப நெலைம என்னாகுறது,புள்ளைங்க படிப்பு ஒழுக்கம் எப்பிடி வெளங்கும் சொல்லு,இது என்ன குடும்பமா இல்ல பஜாரா,,,,,ன்னு லாஜிக் பேசுற ஆம்பளை ங்களுக்கு மத்தியில நாங்க நட்பு பாரட்டுறதக்கூட இப்பிடித்தான் செஞ்சி ஆக வேண்டியதிருக்கு.

“அதுனால கோயில்ல இருந்து வெளியில போன ஒடனே ஒரு நல்ல ஹோட்டலா பாத்து சாப்புட்டுட்டு வீட்டுக்குப் போகணும், அதுக்கு முன்னால அவளுக்கு பாத்ரூம் வருதா என்ன ன்னு கேக்கணும்.ஏன்னாபடிக்கிற வயசுல இருந்தே அவளுக்கு ஒண்ணுக்கு வந்தா அடக்கி பழக்கமில்ல,அத அடக்குற சத்தும் தாங்கிக்கிற சக்தியும் அவ கிட்ட இல்ல. இப்ப எப்பிடின்னு தெரியல இவ்வளவு நெறை பஜாருல ஆம்பளைங்களுன்னு எத்தனையோ பாத்ரூம் கட்டி வச்சிருக்குறவுங்க,பொம்பளைங்க அவசரத்துக்கு ஒதுங்க ஒரு பாத்ரூம் கூடவா கட்டியிருக்கக்கூடாது,

ஏன் அப்பிடி கட்டணுமுன்னு தோணல அவுங்களுக்கு,இதுல கூட நாங்க கண்டுக்காம விடப்படுற ஆள்கதானா,,?என்னமோ போங்க,சரி நான் மொதல்ல அவள கூப்புட்டு என்னண்ணு கேட்டுக்கிட்டு அப்பிடியே போயி ஹோட்டலு க்கு போயிட்டு அப்பிடியே கரை புரண்டு ஓடுற உற்சாக வெள்ளத்த அங்கயே ஒடைச்சி விட்டு கலையிறோம் யாருக்கும் எந்த ஆபத்தும் இல்லாமைன்னு சொன்னவ சொன்ன சொல்லோட ஈரம் காயாம வீட்டுக்குள்ள வந்து நொழை யிறதுங்குள்ள அவளப்போட்டு அந்த வசவு வஞ்சிருக்கயே அப்பிடி வஞ்சது மட்டுமில்லாம நீ ஓங் பொறந்த வீட்டுக்கு போன்னு சொன்னயாமே,,,ஏன் அப்பிடி அவ இருப்பு இந்த வீட்ல ஒனக்கு யெடஞ்சலா இருந்துச்சின்னா போயிற வேண்டியதுதான நீ பொறந்த வீட்டப்பாத்து,எதுக்கு அவளப் போயி யெடைஞ்சல் பண்ற,இந்த வயசுக்கு மேல அவ தோளுக்கு மேல வளந்த புள்ளைங்கள வச்சிக்கிட்டு எங்க போவா,அப்பிடியே அவ போயிட்டான்னா வீடுதான் நல்லா இருக்குமா சொல்லு,

“அவ இல்லைங்குறது மட்டு மா பிரச்சனை,மொதல்ல வீடு வாசல் சுத்தம், சமையலு,பாத்திரம் தேக்குறது, துணி துவைக்கிறது,புள்ளைங்க படிப்புன்னு இன்னும் இன்னுமா நெறைஞ்சி போயிருக்குற எல்லாத்துலயுமா பட்டுத் தெரி யிற அவ உழைப்பும் மொகமும் இல்லைன்னா தெரியும் ஓங் பாடு,மொதல்ல அத தெரிஞ்சிக்க,வீடுகள்ல பொம்பளைங்க இல்லைன்னா நம்மளப் போல ஆம்பளைங்களுக்கு கிறுக்கு பிடிச்சிறும் கிறுக்கு,மொதல்ல அந்த கிறுக்கு ஒனக்குபிடிக்காமஇருக்கணும்ன்னா பொண்டாட்டியவும் ஒரு ஜீவனா மதிக்கக் கத்துக்க” என்பான்.

சரிதான் அவன் சொல்வதும் என்கிற அரை மனதினாய் இருவரும் டீ சாப்பி ட்டு விட்டும் சிகரெட் குடித்து விட்டுமாய் கலையும் போது இவன் சொன் னான் எனக்கு அந்த பொண்ணு மேல இருக்குறது வெறும் ஈர்ப்பு மட்டுமில்லை, அவளுக்கு ஏங் மேல இருக்குறது மாதிரி உள்ள ஒரு அன்பு பாசம்,,, எக்ஸெட்ரா, எக்ஸெட்ரான்னு,,,,,,, சொல்லலாம்.

”அவளுக்கு ஏங்க மக வயசுப்பா நான் எப்பிடி அவள தப்பான கண்ணோட்டத் தோட பாப்பேன் சொல்லு,?அவ போன்ல கூப்புட்ட ஒடனே அன்பொழுக அத எடுத்து தேனா பேசுறேன்னு சொன்னா எப்பிடி,,,,,?இவள மட்டும் இல்ல,ஏங் மக வயசுலஇருக்குறஎந்தப்பொண்ணுகிட்டயும்இப்பிடித்தான் அன்பாவும் கல்மிஷ மில்லாமயுமாய் நடந்துக்கிறேன். இன்னும் சொல்லப்போனா உண்மை யான ஆத்மார்த்தம் சுமந்த அன்பு அது, அது மேல நீ பழி சொல்றையின்னா நீயும்ஒரு சராரியாத்தான் இருக்கைன்னு அர்த்தம்டா,,,,

”அப்பிடிப்பாத்தா நான் போன வருசம் வெளியூர்ல தங்கி வேலை பாத்த நாட்கள்ல ஒரு பொண்ணு எங்க ஆபீசுக்கு புதுசா வேலைக்கு வந்து சேர்றா,

”கல்யாணமாகாதகொஞ்சவயசுப்புள்ள,கண்ணுக்கு லட்சணமாநல்லா இருந்தா ஏங் மூத்த மக வயச விட ஒரு ரெண்டு வயசு வேணாஅதிகமா இருக்கலாம் அவ்வளவுதான், அவ ஆபீஸில வேலைக்கு சேர்ற போது அவளத்தவிர்த்து மத்த எல்லாரும் ஆம்பளைங்க,

“ஆறு ஆம்பளைங்க,இவ ஒருத்தி மட்டும்தான் பொண்ணு. பாத்ரூம் போறது லயிருந்து சாய்ங்காலம் அவ வீடு போற வரைக்கும் பிரச்சனைதான். வீசுற காத்துக்கும் ஓடுற தண்ணிக்கும் வளர்ற மரத்துக்கும் யெடம் பொருள் ஏவல்ன்னு எந்த பேதமும் கெடையாதுன்னு சொல்லுவாங்க,அது போலத்தான் அவளும் ஏங்கிட்ட கொஞ்சம் ஒட்டுதலா இருந்தா,

“அவ அப்பன் வயசு இருந்த என்னை அண்ணன்னுதான் கூப்பிடுவா, அதுக்குப் பாத்தியின்னாஆபீஸே ஒட்டு மொத்த எதிர்ப்பு பாத்துக்க,மொனங்காத ஆட்க ளும் பொறனி பேசாதவுங்களும் ரொம்ப கம்மிதான்னு சொல்லலாம். இருந்தா லும் அவளுக்கு ஏங் மேல இருந்த மதிப்பும் மரியாதையும் கொறையல,

“இத்தனைக்கும் அந்தப் பொண்ணு என்னைய விட உயர் பதவியில இருந்த பொண்ணு,நான் அட்டெ ண்டர்தான்,

“என்ன செய்ய அவ கோயமுத்தூர்லயிருந்து இங்க வேலைக்கி வந்த புதுசுல அவளுக்கு தங்குறதுக்கு வீடு பாத்துக்குடுத்து அவ தங்கீர்க்குற யெடத்துல இருந்து ஒரு ரெண்டு மூணு கிலோ மீட்டராவது இருக்கும்,

”அங்கயிருந்து வர்றதுக்கு வழி சொல்லிக்குடுத்து சாப்பாட்டுக்கு மெஸ்ஸீ சொந்த சமையல்ன்னா காய்கறி மளிகை வாங்க கடை ,டாக்டரு சினிமா தியே ட்டருன்னு அவுங்களுக்கு ஒண்ணொன்னா பாத்து சொல்லிக்குடுத்து கை பிடிச்சி நடை பழக்குற கொழந்தையோட பாங்கோட எல்லாம் சொல்லிக் 
குடுத்து எல்லாம் செஞ்சி குடுத்த காலங்கள்ல ஒடம்பு சரியில்லைன்னனு ஒரு நாலு நா சேந்தடியா லீவு போடுட்டாங்க,

”அப்பத்தான் என்னன்னு எல்லாருமா ஆபீஸுல இருந்து பாக்கப் போயிரு ந் தோம், பாக்கப் போயிருந்த எல்லாரும் ஆளாளுக்கு ஆப்பிள் ஆரஞ்சு ஆர்லிக் ஸின்னு  முடிஞ்ச அளவு கொண்டு வந்தாங்க,

“அதுல ஒருத்தருன்னா என்ன மேடம் ஒடம்புக் குன்னுகேட்டப்ப அவுங்க கொஞ்சம் சொல்ல தயங்குனாங்க,கேட்டவரு யாருன்னா நானும் அந்தப் பொண்ணும் ஆபீஸில பழகுறதப்பத்தி தப்பா பேசுனவருதான். அப்பிடியாப் பட்டருகிட்டப்போயிஎப்பிடி சொல்லுவாங்க அவுங்க, ஒண்ணும் இல்ல எனக்கு சும்மா வெறும் காய்ச்சல்தான்னு சொல்லவும்,,,, அந்தப் பொண்ண பாக்க வந்த எல்லாரும் ஒண்ணு சேந்துக்கிட்டாங்க,

“மேடம்நாங்கஆபீஸிலஆயிரம் பேசிக்கிருவோம்,அதெல்லாம் தப்பா நெனைச்சி வேணுமின்னே பேசுறதில்ல.மத்தபடி நீங்க அவரு கூட பழகுற பழக்கத்த நாங்க தப்பான கண்ணோட்டத்துல பாக்கவும் இல்லை,பேசவும் இல்லை,எங்க எல்லாத்துக்கும் ஒங்க வயச ஒட்டியோ இல்லை ரெண்டு மூணு வயசு கம்மியாவோ ஒரு மக இருக்கா மேடம்.அதுனால ஒங்க உடல் பிரச்சனை என்னன்னு கரெக்டா சொல்ல முடியாட்டி கூட ஓரளவுக்கு யூகமா சொல்லீற முடியும். நீங்க எங்க எல்லார் முன்னாலயும் சொல்லாட்டிக் கூட நாங்க அவர விட்டுப் போறோம் அவர்கிட்ட சொல்லுங்க தயங்காம,அவரு அதுக்குறிய டாக்டர்கிட்ட ஒங்கள கூட்டிக்கொண்டு போயி விட்டுருவாருன்னு என்னையகையக்காமிச்சிட்டுசொல்லவும்அந்தம்மாவும்ஒங்ககிட்டயெல்லாம் சொல்லக் கூடாதுன்னு பிடிவாதம் இல்ல,சொல்ல சங்டப்பட்டுக்கிட்டுதா சொல்ல,

”தலை வலி ஒடம்பு வலி காய்ச்சல்ன்னா ஓப்பானா பேசிரலாம்,பீரியட் டைம் பிரச்சனைஅதுனாலத்தான்சங்கடப்பட்டுக்கிட்டு யார்கிட்டயும் சொல்லல, அண்ணன் கிட்ட கூட என அவள் இவனை கைகாட்டிய நேரம் அலுவலகத்தி லிருந்து வந்திருந்தவர்களில் பாதி பேருக்கும் மேல் அவளது ரூமை விட்டு வெளியில் நின்றிருந்தார்கள்.

இவனும் இன்னும் ஒருவரும் மட்டுமே இருந்த போது சொன்ன விஷயமாய் மாறிப் போனது அவள் சொன்னது.அப்பிடியெல்லாம் மொகம் தெரியாதவுங் களும் முன்னப்பின்ன அறியாதவுங்களுமா அவுங்களோட ஒடம்பு சம்பந்த பட்ட பிர்ச்சனையக்கூட தயங்காம சொல்லும் போது நான் ஏன் அந்தப் பொண் ணோட பேசி பழகுற தப்பா,நெனைக்குற நீயி,

ஏங் மகளோட கூட படிக்கிறவ அவ,அவ ஏங் மககூட வீட்டுக்கு வருவா போவா, பாடம் படிப்பா,நல்லா பேசுவா,நல்லா நடந்துக்குவா,வீட்ல இருக்குற எல்லார் கிட்டயும் எல்லை மீறமா ஒழுக்கம் காட்டி பழகுவா,நானு நீங்க,ஒங்க மக அவ படிப்பு ஏங் படிப்பு அவ பழக்கம் ஏங் பழக்கம்ன்னு இருக்குற பொண்ணு கைகொண்டிருக்குற பழக்கம் உடுத்துறது பேசுறது சாப்புடுறது பழகு றதுன்னு ஏங் பொண்ணு கிட்ட இல்லாத ஒரு பழக்கம் அவகிட்ட இருக்குற போது அதுல ஈர்ப்பு ஏற்பட்டுப்போயி அவ கிட்ட கொஞ்சம் நெருக்கம் காட்டு றேன்தான் ஏங் இன்னொரு மகளப்போல,இது ஒனக்கு தப்பா தெரியுது அப்பிடித்தானே,,,,,,?

அது அப்பிடியில்ல,,,,இவ்வளவு நேரம் நான்எப்பிடி குடும்பத்துல இருக்கணு முன்னு சொன்னயோ அது போல நானும் சொல்றேன்.இது போலான பழக்க ங்கள தப்பா நெனைக்காம இருக்க பழகனுங்குறதும்,,,/என திரும்பும் போது சொன்ன வார்த்தைகள் இவனுடன்இன்னும் ஈரம் காயாமல்,,,,/

Jan 25, 2018

டயல் டோன்,,,,,,

போன் பண்ணியது ராஜியாகவும் எடுத்தது இவனாகவும் ஆகித்தெரிகிறார்கள்.

அந்த ஆயிரம் சதுர அடி வீட்டில்,பாத்ரூம்,ஜன்னல்,கிச்சன்,சிங்க்,ஹால்,டைல் ஸ் வராண்டா,புதிதாக பூசப்பட்ட பெயிண்ட் என எல்லாம் கலந்தது மட்டுமில் லை வீடு,

வீட்டின் முன்னால் அழகுக்காக எத்தனை எத்தனை செடிகள் ,மற்றும் பூந் தொட்டிகள் வைத்திருந்த போதிலும் முல்லைசெடி ஒன்று படர்ந்து மாடி மேல் ஏறி நின்றிருந்த போதிலும் கூட மனிதர்கள் குடி இருந்தால்தான் அது வீடாய் பட்டுத்தெரிகிறது இல்லையேல் அது வெறும் செங்கலும் சிமெண்டும் கலந்து நிற்கிற அசையாப் பொருளே என்பாள் ராஜி.

“டேய் போடா டேய் நீ போயிக்கிட்டு இங்கயிருந்து மெனக்கெட்டுப் பத்து கிலோ மீட்டர் தள்ளிப்போயி செடிக வாங்கப் போறானாமுல்ல.அதுவும் என்ன செடின்னு கேட்டா பூச்செடி,பூக்காத செடின்னு சொல்ற.போடா வேல மெனக் கெட்டவனே,,,போடா போயி மத்த வேலைகள கவனி,

“செடி வைக்கிறது மரம் வளக்குறது மண்ணு போடுறது குரோட்டன்ஸ் வைக் கிறது வீட்டுக்கு முன்னாடி பூந்தொட்டி வைக்கிறது எல்லாம் சரிதான்,எல்லாம் வாஸ்தவம்தான்.நல்லாச்செய்யணும்தான். இன்னும் சொல்லப் போனா அதை கவனமா பராமரிக்கணும்தான்.

”ஆனா அதுக்கு முன்னாடி செடிகள் நட தோண்டுற குழிகளுக்கு பக்கத்துலயும் வீட்டச்சுத்தியும் கொஞ்சம் மனிதாபிமானத்த நட்டு பதியம் போடு.இது போல செடிகளையும் கண்டுகளையும் தேடிக்கிட்டு அங்கிட்டு இங்கிட்டு அலையாம பேசாம, ஏங் வீடு இருக்குற ஏரியாவுல வந்து கேளு,அங்க கெடக்கு நர்சரி கார்டன் ஒண்ணுக்கு ரெண்டு,என்பாள் ராஜி ,

“என்னடா இது இப்பிடி பேசுறாளேன்னு நான் செடி கொடிக வைக்கிறதுக்கு எதிரின்னும் அது வைக்கிறது அனாவசியம்ன்னு சொல்றேன்னு நெனைக்க வேணாம்.

“ஏங் வீட்டுக்கு வந்து பாரு,எட்டு நூத்தி சொச்சம் சதுர அடிதான் வீடு ,வீட்டச் சுத்தி வெறும் மரமும் மட்டையும் செடியும் செத்தையுமாத்தான் கெடக்கும், என்ன சில பேரப்போல அலங்காரத்துக்காக மரம் வளக்காம,செடி நடாம செடி யும் மரமும் இருந்தாலும் அது பிரயோஜப்பட்டு இருக்கணுமுன்னு நெனைக்கி றேன்,வளக்குறேன்,

“கத்திரிக்கா,வெண்டைக்கா,தக்காளின்னு செடிகளும் முருங்கை மரம்,வேப்ப மரம் கருவேலை பப்பாளின்னு வளக்குறேன்.அது வீட்டு தேவைக்கும் ஆகிப் போச்சி,உடல் உழைப்புக்குமா நல்லதுன்னு ஆகித் தெரியுது.

”காலையில எந்திரிக்கிறவ செடிக மொகத்துலதான் போயி கண்ணு முளிக்கிற து,  தக்காளி பப்பாளி வெண்டைன்னு ஒவ்வொரு செடிபக்கத்துலயுமா ஒக்காந் து அதோடவாசனைய உள்வாங்கி அதோட மூச்சுக்காத்தும் என்னோட மூச்சுக் காத்தும் மோதி சுக்கிறத கண்டுட்டு செயும் மரங்களும் ஏங்கிட்ட வெட குடுக்கும்.நானும் செடிககிட்டயும் மரங்க கிட்டயும் ஏதாவது வேலை இருக்கா என்ன ஏதுன்னு கேட்டுக்கிட்டும் பாத்துக்கிட்டும் போயிருவேன் வேலைப் பாக்க,

”தினசரிஅந்த வேப்ப மரத்து ஓரத்துலயுமா இருக்குற அகத்திச்செடியில இருந் து கொழைகள ஒடிச்சிக்கிட்டு போயி குடுத்துட்டு வருவேன், அது விக்கிறதுக் குன்னு இருக்குற யெடத்துல போயி,,,,,

”செடிகளும் மரங்களும் சும்மா அழகுக்காக வளக்குறதுல எனக்கு ஈடுபாடு இல்ல.அது வளக்குறதுனால நமக்கும் பிரயோஜனமா இருக்கணும்,,,,” என சொல்லிவிட்டு நகர்வாள் அவள்.

சரி இருக்கட்டும் அவளது எண்ணம் அது,என விட்டு விடுவான் இவன்,

அவள் சொல்வது போல பிரயோஜனம் மட்டுமே படுகிற விஷயங்களை செய்து கொண்டிருந்தால் அழகுக்காகவும் மற்ற மற்ற பயன் பாட்டிற்காகவும் மெனக்கெடுவதும் அதற்காக வேலைசெய்வதும் யார் பொறுப்பும் வேலையும் ஆகும் என்பான் ராஜி அப்படிச்சொல்லிச் செல்கிற நேரங்களில்/

”அவளுக்கு வேற வேலையில்ல பொழுதன்னைக்கும் யாருக்காவது ஏதாவது போன் பண்ணிக் கிட்டே இருப்பா,என்னாவாம் இப்ப என கோபப்படுவான் ராஜியின் போன் வருகிற நேரங்களில்/ ஏன் இப்ப இவ்வளவு கோபப்படுறீங்க, நம்மள விட்ட அவளுக்கு வேற யாரு இருக்கா,நமக்கு அவளும் அவளுக்கு நாமளும் பரஸ்பரம் தோள் சாஞ்சிக்கிற வேண்டியதுதான்.அவளும்தான் என்ன செய்வா பாவம்,,,,,”என இவனது மனைவி பரிதாபப்படுகிற ராஜிக்கு இங்கு திருமணம் செய்து வருகிற போது அவளுக்கென்ற இடத்தில் யாரும் அவளது அருகில் இல்லை.

அவளது தோள் தொடவோ அவளை அரவணைத்துக்கொள்ளவோ அவளை வாஞ்சையாய் உச்சி முகர்ந்து தோள்சாய்த்துக்கொள்ளவோ ஆள் இல்லை அருகில்,

கணவன் காலையில் வேலைக்குப்போனால் மாலை அல்லதுஇரவு ஆகிப் போ கும் வேலையிலிருந்து திரும்ப,

அவளது கணவனைப்போல்தான் இவனும் யூனியன் வேலை அல்லது அலுவ லக வேலை என அலைந்து கொண்டிருப்பான், கேட்டால் ”பையிலிருக்கிற இரண்டு ரூபாய் பேனாவிலிருந்து நான் சாப்புடுகிற சாப்பாடு வரை இந்த அலுவலக வேலை கொடுத்தது,அது மட்டுமல்லாமல் இந்த சமூகம் எனக்குக் கொடுத்திருக்கிற அந்தஸ்த்து வீடு வாசல்,பேறு இன்னும் இன்னுமான மற்ற ,மற்ற எல்லாமும் கொடுத்தது இந்த வேலைதானே ,அப்படி இருக்கிற போது என்னஎனது அலுவலகத்திற்காகவும் யூனியனுக்காவும் என்னை ஒப்புக் கொடு க்காமல் எப்படி இருப்பேன் சொல்லுங்கள்” என்பான்.

அப்படியான ஒப்புக்கொடுத்தலில் இது போலான தாமதங்கள் தவிர்க்க இயலா ததாகிப் போகிறதுதான் என்பான்.

“ஆமாமாம் இப்பிடியே பேசிக்கிட்டே இருங்க, ஒரு நா இல்லாட்டி ஒரு நா ஆபீஸீ,,,,,,ஆபீஸீ தலையபிச்சிக்கிட்டு ரோட்டுல அலையப் போறீங்க, நாங்க ளும் பாக்கத்தான் போறோம் என்பாள்” இவனது மனைவி.

”அட விடும்மா என்ன இப்ப கெட்டுபோச்சி அதுனால அப்பிடியே அலைஞ்சா லும் ஆபீஸூசு பேரச்சொல்லித்தான அலையிறேன்,பொழப்புக் குடுத்த ஒருத் தர ரோடபேரச்சொல்றதஎப்பிடி பெருமையாவும் கடமையாவும் நெனைக்கிற மோ அது போல இதயும் சொல்ல வேண்டியது நம்ம கடமையும் பொறுப்பும் தான,இல்லையா,,,,” என்கிற இவனது பதில் பேச்சில் மனச்சமாதானம் ஆகிப் போவாள் மனைவி.

வேலைக்குப் போய் விட்ட இவன் வீடு திரும்பி வருகிறது வரை அவளுக் கும் வேலை சரியாக இருக்கும்,

துணி துவைக்க பாத்திரம் விலக்க,வீடு சுத்தம் செய்ய,,,,என இதர இதரவான வேலைகள்,,,,/

அது முடிந்து கடைக்குப்போய் காய்கறி மற்றும் தேவையான சாமான்கள் வாங்கப்போகிற போது கடைகார சாமியண்ணன்தான் சொல்லியிருந்தார். ”இது மாதிரி ஒங்க ஊர்க்காரப்பொண்ணுதான் இங்க கல்யாணம் கட்டி வந்து ருக்கு, பாத்தா பாவம் பூஞ்சை பூத்த புள்ள போல ஒடம்பு வத்திபோயி ஙேன்னு நிக் குது பாவம்,இன்னைக்கி காலையில கடைக்கி வந்திச்சி,பாவம் ,கடைக்கு வந்த பொம்பளைங்க பூராம் சேந்து அத பாடாபடுத்தீருச்சி.பாதிஜாடைபேசுதுக, பாதி சிரிக்கிதுக கெக்கபிக்கேன்னு,அதுல ஒண்ணுன்னா நேரடியா போயி கேட்டுருச்சி, ”என்னம்மா ஒங்க வீட்டுல ஒன்னைய சோறு கீறு போட்டு வளத்தாங் களா இல்ல வெறும் பச்சத்தண்ணிய ஊத்தி வளத்தாங்களான்னு சொல்லவும் குனிஞ்ச தலை நிமிராம வீட்டப்பாத்து போயிருச்சி.

”அப்பறம் ஏங் வீட்டுக்காரி போயி கூட்டிக்கிட்டு வந்தா சமாதானம் சொல்லி, நாந்தான்அதுவரவும்,ஏம்மா இப்பிடி இருந்தா எப்பிடி,,,, தைரியமா இருக்கணும் பொம்பளப்புள்ள,வீட்டுஆம்பளைங்க ஒன்னய நம்பித்தான வீட்ட ஒப்படைச்சிப் போயிருறாங்க.நீ என்னடான்னா கடைக்கி வர்ற பொம்பளைங்க பேசுன பேச் சுக்கே இப்பிடி மனம் கோணிப்போறியே,,,,

“எப்பயோ கடைக்கி வர்றஒனக்கே இப்பிடி இருக்குன்னாநாங்கள்லாம் வருசம் பூராம் கடையே கதின்னு கெடக்கோம்.

“இந்தாஇருக்காளேஏங் பொண்டாட்டி இவளும் இப்பிடித்தான் ஒன்னையப் போலத்தான்.ஆரம்பத்துல கடையில நிக்க பலியா பயப்புடுவா,யாராவது கடை க்கி வர்ரவுங்க கொஞ்சம் சத்தம் கூட்டி வெல கேட்டுட்டுட்டாலே நடுங்கிப் போவா நடுங்கி,அப்பறமா மெல்ல மெல்லஅவளும் தைரியம் வந்தவளா ஆயி ட்டா, இப்ப நா அவள நம்பி ரெண்டு நாளைக்கிக்கூடகடையப் போட்டுட்டுப் போயிருவேன்.அவயாருகிட்டஒரக்கப்பேசணும்,யாருகிட்டபதனாம பேசணும். கடைக்கி சரக்கு போட வர்ற யேவாரிககிட்ட எப்பிடி பேசணும்,கடைக்கி சரக்கு போட்டுக்கிட்டு வர்றவன் கிட்ட எப்பிடி பேசணும்ன்னு நல்லா கத்து வச்சிக் கிட்டா பாத்துக்க,

“இப்பிடித்தான் கடைய விட்டுட்டு ஒரு நா வெளியூர் போயிட்டேன்,வழக்கமா கடைக்கி வர்ற ஆளு ஒருத்தன் தண்ணியப் போட்டுட்டு வந்துருக்கான்.நான் இருந்தேன்னா அவன ஒரு மாதிரி அவன் பாஷையிலயே பேசி சமாளிச்சி அனுப்பீருவேன்,

“வந்தவன் அப்பிடி ஒண்ணும் மோசமான ஆளு கெடையாது,நல்லவந்தான், அவன் நல்லவங்குறத அவன் குடிச்சிருந்த தண்ணி நம்ப விடமாட்டேங்குது, வந்த பைய என்னமோ பலசரக்கு கேட்டுருக்கான்,ஏன் பொண்டாட்டி காசு கேட்டுருக்கா,வருசமெல்லாம் கணக்குல வாங்குறவன்கிட்ட காசு கேட்டதும் கோபம் வந்துருச்சி அவனுக்கு,

என்ன இது ஏன் இப்பிடி கேக்குறீங்க,வழக்கமா கடன் சொல்லி வாங்குற வந் தான,துட்டெல்லாம்டான்னுகுடுத்துருவேனேல்ல,,,அப்பறம்எதுக்குகாசு கேக்கு றீங்க, நான் தண்ணி போட்டுருக்கேன்னு என்னைய நம்ப மாட்டீங்கிறீங்களா ன்னு,,,,”ஒரே சத்தம் ஆகிப்போயிருக்கு.

”ஏங்பொண்டாட்டிக்கு என்ன பயம்ன்னா நிதானமில்லாம இருக்குறவன நம்பி யேவாரம்பண்ணுனமுன்னா நம்ம காசுக்கு பங்கம் வந்துரும்ன்னு பயந்துட்டா, அவனும் விடுற மாதிரி இல்ல ,இவளும் சரக்கு குடுக்க மாட்டேன்னு ஒரே பிடிவாதமா இருந்துட்டா,,,,

அவன் பேச பதிலுக்கு இவ பேச இவஇவ்வளவு பேச்சு பேசுனப் பெறகு இனிம கடைக்கிட்ட நின்னயின்னா மானம் மருவாதி கெட்டுப்போகும் பாத்துக்கன்னு சொல்லவும் அவனுக்கு கோவம் ஜிவ்வுன்னு தலைக்கி ஏறிருச்சி,

“நல்ல மதிய வெயில் நேரம் ,தலைக்கி ஏறுன போதை,வயித்தக்கிள்ளுன பசி கேட்ட சாமான் தராத அவமானம்,,,,,எல்லாம் ஒண்ணா சேர தலைக்கி ஏறுன கோவத்தோடஎன்னபேசுறமுன்னேதெரியாமஎசக்கேடா பேசீருக்கான், பொறுத் துப் பாத்த இவளும் மனசு பொறுக்க மாட்டாமயும் கோவத்த அடக்க மாட்டா மயும் வீட்டுக்குள்ள போயி அருவாமனைய எடுத்துக்கிட்டு வந்துட்டா, ஒழுக்கமா ஓடிப்போயிருடா நாயின்னு,,,,

“ஏண்டா தண்ணி போட்டா தாய்க்கும் தாரத்துக்கும் வித்தியாசம் தெரியாம போயிருமாஒனக்கு.போதையிலபோயிஆத்தாள இழுத்துருவியா நீயி, நாயே,,, ஒங் மக வயசிருக்குமா எனக்கு என்னையப்போயி படுக்கைக்கு கூப்புடுற யேடா தராதரம் கெட்டவனே, ஒழுக்கமா ஓடிப்போயிரு,இல்ல அருவா மனை யாலயே வெட்டி கொன்னுபோடுவேன் கொன்னு பாத்துக்கன்னு சத்தம் போடவும் கடைக்கி வந்த ஆள்களும் தண்ணியடிச்சவரு குடியிருக்குற வீட்டு க்கு பக்கத்துல இருக்குறவுங்களுமா சேந்து ஏங்பொண்டாட்டிக்கு சமாதானம் சொல்லீட்டு அவன கூட்டிக்கிட்டுபோயிருக்காங்க,,,

“ஆரம்பத்துல கடையிலநிக்கறதுக்கே பயப்புட்ட ஆளு,எப்பிடி ஆயிட்டா பாத்தி யா எல்லாம் சூழ்நிலைதான், நமக்கு என்ன தேவையோ அதுதான் நம்ம பொ ழப்ப தீர்மானிக்கிது பாத்துக்க,நீயி வாட்டுக்கு அப்பிடியே ஒரம் கட்டியே நின்னயின்னா ஒன்னைய ஓரமா கொண்டு போயி நிறுத்தீரும் ஊரு,

“நீ வாட்டுக்கு வா கடைக்கி,என்ன பலசரக்கு தேவையோ நான் தர்றேன்,ஓங் வீட்டுக்காரருஏங்கிட்டசொல்லீட்டுபோயிருக்காரு,சரக்குவாங்காட்டிகூடஇந்தா இருக்கா ஏங் வீட்டுக்காரி அவ கூட ரெண்டு பேச்சு பேசிக்கிட்டு இரு,என்ன யேவாரம் என்ன வெலைக்கி வாங்கிறீங்க,என்ன வெலைக்கி விக்கிறீங்கன்னு கேளு,சொல்லுவா,அத விட்டு சும்மா வீட்டுக்குள்ளயே அடைஞ்சி கெடந்தை யின்னு வையி,மனசும் ஒடம்பும் கெட்டுப்போகும்,ஒடம்பு கெட்டுப்போனாக் கூட பாத்துக்கலாம்,மனசு கெட்டுப்போச்சின்னா ரொம்ப செரமம்மா பாத்துக் கோ,,, என கடைக்காரர் சொல்லிய நாளிலிருந்து  இப்பொழுதெல்லாம் அடிக் கடி கடைக்கு வருகிறாள்.

”அவளும் வர்றா,முன்னப்போல இல்லாம இப்ப கூச்சமத்து பழகுறா, கடைக்கி வர்ற பொம்பளைங்க யாராவது வாய் குடுத்தா சமாளிக்கிறா நின்னு,,,என கடைக்காரர் சொல்லிய நாளின் முன் பகலில்தான் அவளை பார்க்கிறாள் இவனது மனைவி.

”கொஞ்சம் இருங்க, இதோ அவ வர்ற நேரம்தான்,வந்தப்பெறகு பேசிக்கங்க ,நான் வேணுமுன்னா அறிமுகம் செஞ்சி வைக்கிறேன்” என கடைக்காரர் சொல்லியதும் இவனதுமனைவி அங்கேயே உட்கார்ந்து விட்டாள்.

உட்கார்ந்தநேரத்திற்கு பொழுது போக வேண்டுமே,,,, என்ன செய்வாள் பாவம். காய்கறி கீரை பலசரக்கு என கொஞ்சம் மற்றும் கடையில் இருக்கிற சேவு மிக்சர் என கொஞ்சம் கொஞ்சம் வாங்கிக் கொண்டாள்.

இவனுக்கு சேவு மிக்சர் என்றால் பிடிக்கும் ,சாப்பாட்டைக்கூட தள்ளி வைத்து விடுவான்,சேவு மிக்சர் என்றால்/

அந்தளவிற்கு அவனுக்கு மனம் பிடித்த பண்டங்களின் லிஸ்ட்டில் சேவும் மிக்சரும் இடம் பிடித்திருக்கும் கண்டிப்பாக.

அவனது நண்பர்களும் கூட்டாளிகளும் உறவினர்களில் சிலரும் கூட இவனை கேலி பேசுவதுண்டு அவ்வப்பொழுது,போடா சேவு திண்ணிப் பயலே என, இதற்கெல்லாம் மேலாகப் போய்இவன் மச்சினன் கேலி பண்ணுவான், ”பேசாம நீங்கஎங்கஅக்காளகட்டுனதுக்கு யாராவது சேவுக்கடைக்காரரு வீட்டுல பொண் ணு எடுத்திருக்கலாம்.சேவு மிக்சரு வாங்குற செலவாவது மிஞ்சும். என்பான் ,,,,இவனும் சிரித்துக் கொள்வான் அதற்கு,,

கடைக்காரர்தான்கூப்பிட்டுஅறிமுகப்படுத்தினார்,அவளைஇவன்மனைவிக்கு,,/ சிறிதுநேரம் அவளைப் பார்த்தவள் ”ஆமா நீ பாரிஜாதம்தான புள்ள,,,” என்று விட்டு படக்கென நாக்கை கடித்தவளாய்”பாரிஜாதம்தான நீங்க”என பேச்சை ஊன்றினாள்.

அவளும் ஆமாம் என தலையை அசைத்தவளாய் இவனது மனைவி அருகில் வந்து நின்று கொண்டாள்,பஞ்சாரத்திற்கு ஒதுங்கி நிற்கிற கோழியைப்போல/

இவனது மனைவியும் அடை கொண்ட குஞ்சை தாய்க்கோழி காப்பது போல காத்து வீட்டிற்கு கூட்டி வந்தாள்.

அவள்அப்படிகூட்டிவந்தநேரம்மதியப்பொழுதாய் இருந்தது,சாப்பிட்டயா எனக் கேட்டதற்கு சாப்பிட்டேன் என்றாள்.அப்புறம் ஏங் மொகம் வாடிப் போயிக் கெடக்குஎன்றதற்குஇல்லைகாலையிலசாப்பாடு லேட்டாத்தான் சாப்புட்டேன்,  அதுனாலத்தான் அப்பிடி சொன்னேன் என்றாள்,

வீட்டிற்குள் நுழைந்ததிலிருந்து வீட்டுக்கு போகணும் அவரு வேலை விட்டு வந்துருவாரு என்றபடியே இருந்தாள்,

“அட சும்மா கெட வரட்டும் அவரு இப்ப என்ன அப்பிடி வந்தா கொஞ்ச நேரம் காத்துருக்கட்டுமே,,,,

“மொதல்ல அமைதியா மனசடக்கி ஒரு யெடத்துல உக்காரு நீ,ஓங் வீட்டுக் காரருபோன் நம்பரக்குடு நான் பேசிக்கிறேன்,,,” என அவரிடம் பேசிய போது அவரு நான் வேலை முடிஞ்சி வர நைட் எட்டு மணி கூட ஆகிப்போகும் என்றிருக்கிறார்,

”சரி நம்ம வீட்டுல இருக்குறதுக்கு சங்கடப்பட்டுக்கிட்டுதான் சொல்றான்னு நெனைச்சிக்கிட்டு சரி மொதல்ல சாப்புடு நீ,இல்ல எங்க வீட்ல சாப்புட புடிக் கைலையின்னா வா அப்பிடியே நடந்து போயி போஸ்ட் ஆபீஸ் முக்குல இருக்குற கடையிலசாப்புட்டுட்டுவருவோம். என இவன் மனைவி சொன்னத ற்கு அரை மனதுடன் சரி என சொல்லிவிட்டாள்.

கடையில் சாப்பிட்டுக் கொண்டிருக்கும் போதுதான் சொன்னாள்,அவள்.

இது போல கடைக்கி வந்தெல்லாம் எனக்கு பழக்கமேஇல்ல.சின்னப் புள்ளை யில அப்பா வீட்டுல வளரும் போதும் சரி,இப்ப கல்யாணம் ஆகி வந்துட்டப் பின்னாடியும் சரி,இது நா வரைக்கும் ரோட்டுல போகும் போதும் வரும் போதும்தான் கடைய ஏக்கத்தோட பாத்துருக்கேனே தவிர்த்து கடைக்குள்ள வந்ததோ உக்காந்து சாப்புட்டதோ இல்ல,.,,,,என சொன்னாள்.

அவள் அப்படி சொல்லும் போது அவளது கண்களில் கண்ணீர் கட்டி விட்டிருக்கிறது.

“ஒங்களுக்கே தெரியும்க்கா,நான் ஊர்ல வளரும் போதும் படிக்கும் போதும் இப்பிடித்தான் இருந்தேன்,நாலு பேரு கூட நல்லா பழகாம தைரியமில்லாம இருந்தேன்,அது இப்பவரைக்குமா தொடருது.

”ஏங் வீட்டுக்காரரு கூட சொல்றாரு.நாலு பேரு கூட நல்லா பழகி நாலு பேரு இருக்குற யெடத்துக்கு போயிட்டு வந்துக்கிட்டு இரு தைரியம் தானாவரு மு ன்னு,

எனக்குக்கூட அவரு சொல்லும் போது ஒண்ணும் பெரிசா தெரியல. என்னத்த இனிமே போயி தைரியமா இருந்து என்ன பண்ணப்போறோமுன்னு தோணு ச்சி,ஆனா அன்னைக்கி கடைக்காரரு அவரோட பொண்டாட்டி கதைய சொன் னத கேட்டதுல இருந்து எனக்கும் அப்பிடியெல்லாம் தைரியமா இருக்க ணு முன்னு தோணுதுக்கா,இருக்கணுமுன்னு முடிவும் பண்ணீட்டேன்,,,, என்ற வாறு சாப்பிட்டு முடித்து வெளியே வந்தார்கள்,

Jan 16, 2018

மின்னிதழாய் உருவெடுத்து,,,,

                                    

         எனது முதலாவது மின் நூல்,,,,,,,,

Jan 14, 2018

எட்டிச்சுட்டதாய்,,,,,

எட்டித்தொட்ட டம்ளர் சூரீரென சுட்டுவிட சட்டென எடுத்த கை பாதியில் நிறு போகிறது இரும்புக்கை மாயாவியின் கையைப் போல/

கரண்டை தொட்ட கணத்தில் சட்டென்று காணாமல் போய் விடுகிற மாயா வியின் உடம்பைப் போல இங்கு பலருக்கும் உருதாங்கி இருக்க வேண்டும் என்பது ஆவலாய் இருக்கிறதுதான்.ஆனால் நிதர்சனத்தில்,,,,,,,,

மாயாவிக்கு முடிகிறது அந்த மாயாவியை ரத்தமும் சதையுமாய் படைக்கிற மனிதனுக்கு முடியவில்லை எனும் போது ஆச்சரியமாகவே,,,,,என்கிறான் நண்பன்/

“அட விடு அங்கு மாயாவி இங்கு மனிதன் அவ்வளவே வித்தியாசம். மாயா விக்கு தொட்டது துலங்கிப்போகிறது, இங்கு அது இல்லை என ஆகிப் போகி றது மனிதனுக்கு,,,/

பார்ப்பதற்கு அழகாய் இருந்ததோ இல்லையோ இவனுக்கு மிகவும் பிடித்த மான டம்ப்ளர். அது.

பித்தளை,சில்வர்,செம்பு என எத்தனை எத்தனைகள் வீட்டில் இருந்த போதும் கூட இந்த தாமிர டம்ப்ளரில்தான் தண்ணீர் மற்றும் டீக் குடிக்கிறான்,

வீட்டில் பிளாஸ்டிக் மக் ஒன்று அழகாய் பூவுடன் சிரித்து கண்ணடித்துக் கொ ண்டிருக்கிறபோதும் கூட அது உதிர்ந்து கீழே விழுந்து காயப்படுத்திக் கொள் ளுமோ தன்னை என்கிற எண்ணம் மனம் முழுக்கவுமாய் பரவி விரவி நின்ற போதும் கூட பிடி வாதம் காட்டி அந்த தாமிர டம்ளரில்தான் குடிக்கிறான் டீ,/

இவ்வளவு எதற்கு டீ மட்டும் இல்லை,கூழ் குடிப்பதானாலும் கூட அந்த டம்ப்ளரில்தான் குடிக்கிறான்,

வாரத்திற்கு ஒருமுறை விடுமுறை நாட்களீல் கண்டிப்பாக கழி அல்லது கூழ் சாப்பிட்டு விடுவான்,

கூழாய் இருந்தால் வெறும் வெங்காயம் போதும்,கழி கிண்டுகிற அன்று சாம்பார் அல்லது கறிக் குழம்பு,துணைக்கு ரத்தபொரியலை சேர்த்துக் கொள் வதுண்டு அது கிடைக்கிற தினங்களில்,

கறிக்கடையில் முன் கூட்டியே சொல்லி வைக்க வேண்டும் ரத்தம் வேண்டு மென்றால்,இல்லையானால் காலையில் சீக்கிரம் எழுந்து போக வேண்டும்,

இவன் சீக்கிரம் எழ வேண்டும் மறு நாள் என நினைக்கிற அன்று இரவுதான் லேட்டாக தூங்குகிறான்.பின் எப்படி மறு நாள் காலை சீக்கிரம்,,,,,?

சரி பரவாயில்லை அதனால் என நினைத்து வம்படியாய் எழுந்தால் உடல் சோம்பேறித்தனம் தாங்கியும் மந்தம் கொண்டுமாய் விடுகிறது,

அது தவிர்க்கவே கொஞ்சம் ஏழு அல்லது ஆழரை மணி போல ழுவது இவன் வாடிக்கையாகிப்போகிறது,

அப்படி எழுகிற நாட்களில் ரத்தம் கிடையாது கழிக்கு,வெறும் கறிக்குழம்பு மட்டுமே,,,/

வெளிப்புறமாய் டம்பளரின் விளிம்பில் இருந்த இரு கோடுகளை அங்கு போய் வரைய யாருக்கு தோணியது எனத்தெரியவில்லை.

ஒரு வேளை டம்ப்ளரை தயாரித்த இடத்தில்அந்ததயாரிப்பாளருக்கு தோன்றி ய யோசனையாய் இருக்கலாம்.அங்கு டிசைன் பண்ணுபவரும் விற்பவரும் அவரேதானே,வேண்டுமானால் இன்னொரு இடத்தில் இன்னொரு டம்பளரை பார்த்து அடித்த காப்பியாக இருக்கலாம்.

செல்வமணி பாத்திரக்கடையில் ஒரு வருசம் கட்டிய சீட்டுப்பணத்தில் வாங் கியது,

மாதம் நூறு ரூபாய் ,இரண்டு சீட்டு,இரண்டு பிள்ளைகள் பேரிலும்/, சீட்டு ஆரம் பிக்கு போது நன்றாக இருந்தது,இப்படியாய் ஏதாவது பணம் சேர்த்து வாங்கி னால்தான் ஏதாவது பொருள் வாங்கினால்தான் உண்டு உருப்படியாக என நினைத்த நேரம் செயல் படுத்தி விட்டான் மனைவின் சம்மதத்துடன்/

ஆனால்போகப்போகத்தான் தெரிந்தது அதை செயல் படுத்துவதில் இருக்கிற சிரமம்.முடியவில்லை,ரொம்பவும்சிரமப்பட்டது,குடும்பத்திற்கு மற்ற செலவு கள் போக பாத்திரச்சீட்டு கட்ட மிகவும் சிரமம் காட்டியது நிலை.

சீட்டு கட்டப் போன ஒரு மாதத்தின் கடைசி நாளன்று கடைக்காரர் கூட கேட்டார், ”என்ன சார் ரொம்ப செரமமா இருக்கா சீட்டுப்பணத்த கட்டுறதுக்கு, தொடர முடிய லைன்னா விட்டுருங்க,இதுவரைக்கும் எவ்வளவு கட்டீருக்கீங் களோ,அந்தபணத்துக்கு பாத்திரம் குடுத்துர்றேன்,நீங்க அதுக்கப்பறம் ஒங்க ளால எப்ப முடியுதோ அப்ப சீட்டு கட்டுறத தொடருங்க,போதும்,நீங்க ஒவ்வொ ரு தடவையும்ரொம்பவும் மனசு கஷ்டப்பட்டு வர்ற மாதிரி வர்றது எனக்கு ரொம் பவும் சங்கடமா இருக்குதுதான்.”என்றவரை,,,,,,,

”இல்லைசார்அப்பிடியெல்லாம்இல்லை,தெரிஞ்சோதெரியாமலோதொட்டாச்சி,தொடர்ந்தே ஆகணும்,இல்லைன்னா என்னால நிம்மதியா இருக்க முடியாது சார். நைட் டெல்லாம் நிம்மதியா தூங்க முடியாது என்னால ஆமாம்,கஷ்டம் யாருக்குத் தான் இல்லை சொல்லுங்க,பெறந்த கொழந்தையில இருந்து சாகப் போற வரைக்கும் எல்லாருக்கும் ஒவ்வொரு விதமான கஷ்டம் சார்,,,,,

“இப்பஒங்ககிட்டகட்டுறபாத்திர சீட்டு மட்டும் இல்லை, தெருவுல மாசச் சீட்டு, பேங்குலஓடுறமாதம்தவணைடெபாஸிட்டுவேற,,இப்பிடிஎல்லாம்போககுடும்பச் செலவு கல்யாணம் காச்சி நல்லது பொல்லது ஆஸ்பத்திரின்னு,,,,, போயி நிக்கையில தாவு தீந்து போகுது தீந்து/

”போன வாரம் இப்பிடித்தான் ஆபீஸில வேலை பாத்துக்கிட்டு இருக்கும் போது கூட வேலை பாத்தவரு மயங்கி கீழ விழுந்துட்டாரு .என்னமோ ஏதோன்னு தூக்கி உக்கார வச்சி பாத்தப்ப சுத்தி இருந்த எல்லாரும் ஆஸ்பத்திக்கு கூட்டிக் கிட்டுப் போங்க,ஏதாவது நெஞ்சு வலியா இருந்தாலும் இருக்கலாம், இல்லை அது சம்பந்தமா ஏதாவது பிராபளம் இருக்கும்ன்னு சொன்னதும் அந்த நேர பதட்டத்துல ஒண்ணும் செய்யத்தோணாம ஆஸ்பத்திரிக்கு தூக்கீட்டு ஓடுனா அங்க ஒடனே பெட்ல அட்மிட் பண்ணச்சொல்லி குளுக்கோஸ் ஏத்தீட்டாங்க.

“சாதாரணமா கீழ விழுந்ததுக்கு இவ்வளவான்னு யோசிக்கிட்டே இருக்கும் போது அந்தடெஸ்டு எடுக்கணும் இந்த டெஸ்டு எடுக்கணுமுன்னு மூவாயி ரம் ரூபா கட்டச் சொல்லீட்டாங்க எனக்குன்னா என்ன செய்யிறதுன்னு தெரி யல அந்நேரம்,சும்மா போயி பாத்துட்டு வந்துரலாம்முன்னுதான வந்தோம். வந்த யெடத்துல இப்பிடி ரூவா கட்டச்சொன்னா எப்பிடி,நாளைக்கி அவரே ஏன் இவ்வளவு பணம் கட்டுனீங்கன்னு கேட்டா நான் என்ன பதில் சொல்றது அவருக்கு,,,?

இந்த எதுக்கும் இருக்கட்டுமேன்னு கையில ஒரு ரெண்டாயிரம் ரூபா கொண் டு போயிருந்தேன்,அப்பத்தான் தோணிச்சி ,ஆகா நமக்குத்தான் ரெண்டாயிரம், பெரிய தொகை,இந்த மாதிரி யெடங்கள்ல இதெல்லாம் ஒரு பெரிய தொகை யே கெடையாது,இன்னும் சொல்லப்போனா இதெல்லாம் அவுங்களுக்கு பேப் பர்மாதிரிதான்னுதோணுச்சி,

“சரிஆகவேண்டியத்தப்பாருங்க, வைத்தியத்த ஆரம்பிங்க,ஆபீஸில இருக்குற வுங்க கொண்டு வர்றாங்கன்னு சொல்லியும் கூட அவுங்க பணத்தக் கட்டுனா த்தான் வைத்தியம் ஆரமிப்போம் ன்னு சொல்லீட்டாங்க, சரி என்ன செய்யிற துன்னுகைய பெசைஞ்சிக்கிட்டு நிக்கிறப்ப ஆபீஸில இருந்து வந்துட்டாங்க, ரெண்டு பேரு வந்தவர்ல ஒருத்தருதான் அவரோட நகைய வச்சி கொண்டு வந்தாரு,

”மாசக் கடைசிங்குறதுனால யாருகிட்டயும் கையில காசு இல்ல,மயங்கி விழுந்தவரே எப்பவும் கையில ரொக்கமா பத்தாயிரம், இருபதாயிரம் வரைக் கும் வச்சிக்கிட்டு இருக்குறவரு, வீட்டுல ஏதோ அவசர செலவுன்னு செல வழிச்சிட்டேன்னு சொன்னாரு, ஆபீஸுல இருக்குறவுங்க கொண்டு வந்த பணத்த கட்டீட்டுவைத்தியத்தஆரம்பிக்கச்சொன்னோம்.அதுக்கப்பறம் அவுங்க வீட்டுக்கு சொல்லி விட்டுட்டு அவுங்க வீட்டம்மா வந்த ஒடனே வந்தோம் கெளம்பி அங்கயிருந்து,”

அது போலஎதிர் பாராம ஆகிபோகுது,கையில அவ்வளவு ரொக்கம் வச்சிக் கிட்டுஅலையிறமனுசனுக்கே இப்பிடி நெலைமைன்னா எங்களுக்கு சொல்ல வே வேணாம். இந்த மாதிரி செலவுகள்ல செய்ய நெனைக்கிறது பிந்திப் போ குதே தவிர்த்து வேணுமுன்னே செய்யிறது கெடையாது,,,பாத்திரச்சீட்ட கேன்ச லெல்லாம் பண்ண வேணாம், கட்டீர்றேன் எப்பிடியாவது,,,,,,,,,/என சொல்லிக் கொண்டிருந்த நாளில் நகர்வில்தான் தோணியது.

ஒரு சீட்டை கேன்சல் பண்ணி விட்டு ஒரு சீட்டு கட்டலாம்,ஆனால் இரண்டு சீட்டும் இரண்டு பிள்ளைகள் பேரில் இருக்கிறது,ஒரு சீட்டை கேன்சல் பண் ணினால் ஒரு மகள் வருத்தப் படுவாள்.இளையவள் பரவாயில்லை, சின்ன வள் பெரிதாக ஒன்றும் நினைத்துக் கொள்ள மாட்டாள்.ஆனால் பெரியவள் மனதுக்குள் நினைத்து புழுங்கிப் போவாள்.

சின்னவள் போல படக்கென பேசி விட மாட்டாள்.அது மட்டும் இல்லை,நடந்து போனதை நினைத்து மிகவும் வருத்தப் பட்டுப் போவாள் வருத்தப்பட்டு,இதை செய்தால் இது இப்படி இருக்குமோ,இது இப்படியாகுமோ என்கிற கற்பனை மிகுதியில் இருப்பாள்.

இப்படித்தான் வீட்டில் கறிச் சோறு சமைத்த ஒரு நாளில் குழம்பில் கிடந்த இரண்டு ஈரல் துண்டுகளும் சின்னவளின் சாப்பாட்டுத் தட்டுக்கு போய் விட அவளும் சாப்பிட்டு விட்டாள் ஏதோ ஒரு ஞாபகத்தில்/

பொதுவாகவே அவளுக்கு சாப்பாட்டில் ஏதும் குறை இருந்தாலும் பரவாயில் லை, பெரியவளுக்கு குறை இருக்கக்கூடாது என நினைப்பவள்,அப்படி இருந் தாலும் தன்னுடைய சாப்பாட்டை கொடுத்து விட்டு இவள் கொஞ்சம் பசி தாங்கிக் கொள்வாள்,.

அல்லது வீட்டில் இருப்பதை சாப்பிட்டுக் கொள்வாள்,அது பற்றி பெரிதாக ஒன் றும் அலட்டிக்கொள்ள மாட்டாள்.இப்படியான பிள்ளையை கைக்கொள்வதும் அவளுடன் பழகுவதும் எளிதாகவும் சிரமமின்றியும் இருக்கும் வீட்டில்,

ஆனால் பெரியவள் போல் மனோ நிலை கொண்ட பிள்ளைகளிடம் கொஞ்சம் பார்த்தும் பதனமாகவும் இருக்கத்தான் வேண்டி இருக்கிறது,என்கிற மனோ நிலையில்தான்அன்று சாப்பாடு வைக்கிற போது சின்னவளுக்கு போய் விட்ட ஈரல் துண்டை தனக்கு வேண்டும் என்றுதான் வைக்கவில்லை என கோபித் துக் கொண்டு சாப்பிடாமல் உட்கார்ந்திருந்தாள்.

பொங்கிய சோறும் வைத்த குழம்பும் அப்படியே இருக்கிறது,,,,என்கிற இவனது எண்ணத்தை இளையவளிடம் பகிர்ந்து கொண்ட போது சொல்கிறாள் அவள்,

“ஏன் இப்பிடி இருக்கா இவ,வீட்லதான் இப்பிடி இருக்கான்னு சொன்னா படிக் கிற யெடத்துலயும் இப்பிடித்தான் இருக்கான்னு சொல்றாங்க,அவ கூடப் படிக் கிற புள்ளைங்க,நேத்திக்கி இவ கூட படிக்கிற ஒரு அக்காவைப்பாத்தேன் ,அவு ங்க சொல்றாங்க,சொல்றாங்க சொல்லிக் கிட்டே போறாங்க நான் ஸ்டாப்பா, ரொம்ப ஒண்ணும் இல்ல நாலு பேரு இருக்குற யெடத்துல தன்னை அஞ்சா வதா இருக்குற ஒரு ஆளா நெனைக் காம நாம மட்டும்தான் அந்த யெடத் தோட ஒட்டு மொத்தமும்ன்னு நெனைக்கிறதுனால வர்ற பிரச்சனைன்னு சின்ன சின்னதா நெறைய சொல்றாங்க, கேக்குறதுக்கு எனக்கே ஒரு மாதிரி யாவும் அவமானமாவும் இருக்குப்பா.

”பேசாமஅவளைபடிப்பபாதியில நிப்பாட்டீட்டு கல்யாணத்த பண்ணி வைங்க,,,,, கல்யாணம் பண்ணி வச்சி கொழந்த குட்டின்னு ஆனாத்தான் கொஞ்சம் உருப் படுவா,இல்லைன்னா வருஷமெல்லாம் கறிக்கொழம்புல ஈரலக்காணேமுன் னு சண்ட போட்டுக்கிட்டும் மனத்தாங்கல் பட்டுக்கிட்டுமா இருப்பா,

“இவளெல்லாம் நாளைக்கி ஒரு வீட்டுக்குப் போயி என்னன்னு அனுசரிச்சி இருக்கப் போறான்னு தெரியல,,,,ஒரு கறிக்கொழம்புல கோபப்படுறவ நாளை க்கி எதெதெதுக்கு கோபப்பட்டு நிக்கப்போறான்னு பாப்போம்,கொண்டாங்கப்பா நான் போயி எதாவது கடை தெறந்திருக்கான்னு பாத்து கறி வாங்கீட்டு வர்றேன்” என பையை தூக்கிக்கொண்டு போனவளை தடுத்து இவன்தான் போய் கறிவாங்கிவந்தான்,

ஆனால் ஆட்டுக்கறி கிடைக்கவில்லை,எப்பொழுதும் ஆட்டுக் கறி வாங்குற கடைக்காரர் இசக்கிபாலன் அப்பொழுதான் கடையை சுத்தம் செய்து கழுவி விட்டு மூட ஆயத்தமாகி க்கொண்டிருந்தார்,அவரிடம் விஷயத்தை சொன்ன தும் சார் கொஞ்சம் இருங்க இந்தா கேட்டுச்சொல்லீருறேன் என போன் பண்ணி யாரிடமோ கேட்டார்,அவர் போன் பண்ணி கேட்ட இடத்தில் ஒரு கிலோ கறி எலும்புடன் அப்படியே இருப்பதாகவும் எலும்புக்கு காசு வேண் டாம்,கறிக்கு மட்டும் காசு கொடுத்தால் போதும் என டவுனுக்குள் இருக்கிற ஒரு கடைக்கு கோடு போட்டு அனுப்பி வைத்தார்,

போகும் போது சொன்னார்,சார் போன ரெண்டு மாசமா கடைப்பக்கம் தலை வச்சி படுக்கவே இல்லையேநீங்க, என.

உண்மைதான் அவர் சொன்னது,கார்த்திகை மார்கழி இரண்டு மாதங்களும் காய்கறி அடை கொண்ட வீடாக ஆகிப் போனது. கறி எடுக்கவே இல்லை.

குளிர் மாதம் என்பதால் வயிறு தாங்காது செமிப்பதில் பிரச்சனை இருக்கும் என இவன் கறி எடுப்பதில்லை.

பொதுவாக,நானகைந்துவருடங்களாக அப்படியேபழகி விட்டான்,வயிறு பிரச்ச னை எனடாக்டரிடம்போய்நின்றபோதுஅவர் சொன்ன ஆலோசனைதான் இது, குளிர் மாதங்களில் கடினமான உணவை கொஞ்சம் தவிர்த்து விடுங்கள் என.

அவர் சொன்ன கடினத்தில் கறியும் வர கட் பண்ணி விட்டான்.வீட்டில் மனை வியிடமும் பிள்ளைகளிடம் கேட்ட பொழுது மனைவி சொன்னாள் ”நானே இதை உங்களிடம் முன் மொழியலாம் என இருந்தேன் என”அதைக்கேட்ட பிள்ளைகள் இரண்டும் கொஞ்சம் அரை மனதாய் சம்மதித்தார்கள்,

அரைமனது யாருக்கு இருந்திருக்கும் இந்த விஷயத்தில் என நீங்களே முடிவு செய்யுங்கள் பார்ப்போம் என இசக்கிபாலனிடம் சொன்ன பொழுது கரெக்டாக சொல்லி விட்டார்,மூத்த மகளுக்குத்தானே அப்படியான அரை மனது என/

ஆமாம் என தலையாட்டி விட்டு அவர் போன் பண்ணி சொன்ன கடைக்குப் போனான் கறி எடுக்க,,,,/

கறி எடுத்து வந்து சமைத்துப்போட்டதும்தான் சமாதானமானாள் பெரியவள். ஆனால் இவன் வாங்கி வந்த கறியில் ஈரல் இருந்திருக்கவில்லை.

அப்பொழுதுதாம் தெரிந்தது,அவளது பிரச்சனை ஈரல் மட்டும் இல்லை.ஈகோ என,,/

”மெல்ல எடுக்க வேண்டியதுதான் என்ன அவசரம், அதுக்குள்ள/ இப்பத்தான கொண்டு வந்து வச்சேன்,அதை அவசரப்பட்டு தூக்காட்டி என்ன ,

“ஒண்ணு நா கொண்டு வந்து வச்சி ஆறி அவிஞ்சி போனப்பெறகு எடுக்க வேண் டியது,இல்ல இப்பிடி அவக்கு தொவக்குன்னு அவசரப்பட்டு எடுத்துட்டு கை சுட்டுருச்சின்னு கூப்பாடு போட வேண்டியது என மனைவி சமையலறையி லிருந்து போட்ட சப்தம் இவன் காதை துளைத்ததாக/

ஏன் சத்தம் போடுற,நீயி எனக்கு டீக்குடுக்குறையின்னு ஊருக்கெல்லாம் தெரி யணுமா,,,,,,,?

ஆமாம் இல்லைன்னாலும் தெரியாது,ரொம்பத்தான்,என்னவோ,,,

”இங்க சமையல் ரூமுல பாதி நேரம் ஒங்களுக்கு டீ போட்டு குடுக்கவே சரியா இருக்குங்குறது இங்க தெருவுல இருக்குற எல்லாருக்கும் தெரியும் ,இதுல நான் வேற போயி சொல்லணுமாக்கும்,இந்த மாதிரின்னு,,,/

”கொடுமைதான்போங்ஒங்களோட,,,,,,,”எனச்சொல்லிய மனைவியின் பேச்சை உள் வாங்கியவனாய் சூரீரிட்ட டம்ளரை ஓரம் கட்டி வைத்துவிட்டு கொஞ்சம் நேரம் கழித்து எடுக்கலாம் என்கிற முடிவுக்கு வருகிறான்,

முடிவுகள் இது போல் நெருக்கடி வரும் போதும் சுரீர் என சுடுகையிலும்தான் பிறக்கும் போலிருக்கிறது.

பூனை முடிகள் படர்ந்து முளைத்துத் தெரிந்த கைகள் இரண்டில் டம்ளரை எட்டித் தொட்டது வலது கையாக உருபட்டுத் தெரிகிறது.பொதுவாக அப்படித் தானே இருக்க வேண்டும்,

எடுப்பதற்கும் கொடுப்பதற்கும் வலது கை ,வேறொன்றிற்கு இடது கை அப்ப டித் தானே நண்பா,,,,?என நண்பனிடம் சொன்னபோது ஏன் அப்படியில்லாம யெடது கையில யெடுத்தா என்ன கெட்டாபோகப் போகுது,இல்ல நாறித்தான் போகுமா என்ன சொல்லுங்க,என்பான்.

அப்பிடிப் பாத்தா நமக்கு வலது கையி சாப்புடுறதுக்கு,யெடது கையி கழுவு றதுக்குன்னு வச்சாக்கூட யெடது கையில நம்ம மத்த வேலைகள செய்ய லையா,,இல்ல வலதையும் யெடதையும் பிரிச்சி பிரிச்சி பிச்சி வச்சிட்டுதா திரியிறமா சொல்லுங்க,

ஒங்களுக்கு தோது வலதுன்னா எனக்கு தோது இடது கையின்னு ஆகிப் போ குது சில வேலைகள்ல,அது தவிர்த்து ரெண்டு கைகளையும் சேத்து வச்சி அதன் பலத்தோடயும் பலவீனத்தோடயும்தான சில வேலைகள செய்யத்தான வேண்டியிருக்கு.

அப்பிடி செய்யும் போதுதான அந்த வேலையும் பலப்படுது.அத விட்டுட்டு நீ பாட்டுக்கு என்னென்னமோ பேசிக்கிட்டே போறையே என்பான்,

ஞாயம்தான் அவன் சொல்வதும்.

அப்பிடிப்பாத்தா இந்த நகரத்த துப்பரவு பண்ற தொழிலாளிக்கும்,சாக்கடை அள் ளுறவுங்களக்கும் எது வலது கையி,எது யெடது கையி சொல்லு,,,

அவுங்கஎதப்பிரிச்சிஎதுக்குபயன் படுத்துவாங்க,நீ சொல்ற மாதிரி இடது வலது ன்னு பாத்துக்கிட்டு கைய பெசைஞ்சிக்கிட்டு நின்னாங்கன்னா பொழப்பு போ யிரும்,என்கிற நண்பனின் பேச்சு ஞாபகத்திற்கு வர சுரீரிட்ட டம்ப்ளரை மைய மிட்ட விழியை நகர்த்தாது பார்த்துக் கொண்டிக்கிறான்,